13.nóvember - 20.nóvember - Tbl 46
Vilja að bæjaryfirvöld flýti endurbótum á Glerárskóla
Séð yfir svæðið hjá Glerárskóla þar sem standa yfir framkvæmdir á nýjum leikskóla. Ljósmynd/Þorgeir Baldursson.
Skólaráð Glerárskóla á Akureyri hefur sent bréf á bæjaryfirvöld þar sem skorað er á bæinn að endurskoða fjárveitingar til framkvæmda við endurbætur á skólanum með það að markmiði að flýta þeim svo þeim verði lokið eigi síðar en árið 2022. Samkvæmt fjárhagsáætlun sem samþykkt var fyrir 2021-2024 er gert ráð fyrir að haldið verði áfram með framkvæmdir við Glerárskóla á árinu 2023.
Samkvæmt upplýsingum blaðsins er búið að endurnýja tvær álmur skólans á síðustu tveimur árum en hinar álmurnar bíða. Í bréfi frá skólaráði er áformuð seinkun hörmuð og sagt að endurbæturnar á skólanum þoli ekki bið. Skólinn standi fyrir óhagstæðum stærðum árganga m.t.t. reksturs. Leiða megi líkum að því að með opnun nýs leikskóla í Glerárhverfi í haust muni í framtíðinni leiða til aukinnar aðsóknar í Glerárskóla. Því sé mikilvægt að framkvæmdum á endurbótum verði lokið fyrir þann tíma.
Guðmundur Baldvin Guðmundsson, formaður bæjarráðs, segir í fyrirspurn blaðsins að bæjarráð hafi rætt áskorun skólaráðs Glerárskóla um að flýta framkvæmdum í síðustu viku. „Við höfum ekki tekið afstöðu til hennar en vísuðum henni til gerðar fjárhagsáætlunar 2022 og því lítið um málið að segja á þessum tímapunkti,“ segir Guðmundur Baldvin.
Nýjast
-
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina.
