Vikudagur kemur út í dag
Vikudagur kemur út í dag og að vanda er blaðið stútfullt af fréttum, fróðleik og mannlífsefni.
Meðal efnis í blaðinu:
-Aðalsteinn Sigurgeirsson, betur þekkur sem Steini Sigurgeirs eða Steini í Höllinni, hefur verið forstöðumaður í Íþróttahöllinni á Akureyri í bráðum 35 ár eða allt frá stofnun hallarinnar. Hann var sjálfur mikill íþróttamaður á yngri árum og segir allt sitt líf hafa snúist um íþróttir. Þrátt fyrir að vera kominn á eftirlaunaaldur situr Aðalsteinn sem fastast í sæti forstöðumanns og segir góðan starfsanda hafa haldið sér í sama starfinu öll þessi ár. Vikudagur heimsótti Aðalstein og spjallaði við hann um árin í vinnunni, uppákomurnar í Höllinni, íþróttaáhugann og fjölskylduna sem Aðalsteinn segir vera sitt helsta áhugamál.
-Íbúar í Gerðahverfi á Akureyri og nálægum svæðum eru uggandi yfir fyrirhuguðum framkvæmdum í Kotárborgum. Í nýju aðalskipulagi Akureyrarbæjar er gert ráð fyrir nýju hverfi í Kotárborgum og að þar muni rísa alls 260 nýjar íbúðir. Á kynningarfundi vegna nýs aðalskipulags sem fram fór í Hofi á þriðjudaginn var kom fram andstaða við áform bæjarins um uppbyggingu íbúða við Kotárborgir. Ítarlega er fjallað um málið í Vikudegi og rætt við íbúa og fulltrúa skipulagsmála.
-Eiríkur Björn Björgvinsson bæjarstjóri á Akureyri segir frá degi í sínu lífi og starfi í „Dagur í lífi.“
-Ingibjörg Ragnarsdóttir sjúkranuddari er í nærmynd og svarar spurningum um lífið og tilveruna.
-Kolbeinn Höður Gunnarsson hefur slegið í gegn í hlaupaheiminum. Vikudagur spjallaði við Kolbein um lífið í Bandaríkjunum og hver sé lykillinn að árangrinum.
Þetta og mun meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
