20. nóvember - 27. nóvember - Tbl 47
Vikudagur kemur út í dag
Vikudagur kemur út í dag og að vanda er blaðið stútfullt af fréttum, fróðleik og mannlífsefni.
Meðal efnis í blaðinu:
-Eins og Vikudagur greindi nýlega frá náði íbúafjöldi Akureyrarbæjar 19 þúsundum í sumar. Nítján þúsundasti íbúinn nefnist Benedikt Árni Birkisson en hann fæddist 20. júlí sl. á Akureyri.
-Leikkonan Margrét Sverrisdóttir er meðlimur í norðlenska atvinnuleikhópnum Umskiptingar sem frumsýna nýtt leikverk þann 5. október sem nefnist Galdragáttin og þjóðsagan sem gleymdist en verkefnið er unnið í samstarfi við Leikfélag Akureyrar. Margrét hefur komið víða við á leiklistarferlinum og þá stýrði hún Stundinni okkar um tíma. Vikudagur fékk Margréti í nærmynd.
-Forseti bæjarstjórnar á Akureyri segir bæjaryfirvöld opin fyrir því að sameinast öðrum sveitarfélögum í Eyjafirði.
-Æfingar á verkinu Galdragáttin og þjóðsagan sem gleymdist standa nú yfir í Samkomuhúsinu á Akureyri. Um er að ræða splunkunýtt verk eftir norðlenska atvinnuleikhópinn Umskiptinga en verkefnið er unnið í samstarfi við Leikfélag Akureyrar og verður frumsýnt 5. október.
-Á Degi íslenskrar náttúru mánudaginn 16. september sl. undirritaði Ásthildur Sturludóttir bæjarstjóri á Akureyri loftslagsyfirlýsingu Festu og Akureyrarbæjar og var fyrirtækjum og stofnunum í bænum boðið að gera slíkt hið sama.
-Í Húsi vikunnar fjallar Arnór Bliki Hallmundsson um Brekkugötu 11.
-Elvar Freyr Pálsson sem er matgæðingur vikunnar að þessu sinni kemur með tvær áhugaverðar uppskriftir.
-Íslenskt tónleikabíó fer fram í Menningarhúsinu Hofi á Akureyri þegar íslenska verðlaunateiknimyndin LÓI – Þú flýgur aldrei einn verður sýnd við lifandi flutning Sinfóníuhljómsveitar Norðurlands, hljómsveitarinnar sem hljóðritaði tónlist norðlenska tónskáldsins Atla Örvarssonar við teiknimyndina.
Þetta og mun meira til í Vikudegi í dag. Hægt er að gerast áskrifandi með því að smella hér. Þá er áskriftarsíminn 460-0750 og 860 6751. Einnig er hægt senda póst á askrift@vikudagur.is.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
