13.nóvember - 20.nóvember - Tbl 46
Vikudagur kemur út í dag
Vikudagur kemur út í dag, fimmtudaginn 11. apríl og að vanda kennir ýmissa grasa í blaði vikunnar. Meðal efnis í blaðinu:
-Knattspyrnumaðurinn Haukur Heiðar Hauksson flutti heim til Akureyrar í desember sl. og samdi við uppeldisfélagið KA og mun leika með liðinu í Pepsi Max-deildinni í sumar. Haukur Heiðar hefur spilað með AIK í spænsku úrvalsdeildinni frá árinu 2015 og varð m.a. sænskur meistari með liðinu. Meiðsli settu strik í atvinnumannaferilinn og því ákváðu Haukur Heiðar og fjölskylda og snúa aftur heim. Vikudagur sló á þráðinn til Hauks og spjallaði við hann um heimkomuna til Akureyrar og boltann.
-Verksmiðjan-Restaurant nefnist nýr veitingastaður sem mun opna á Glerártorgi á Akureyri í vor. Um fjölskylduvænan veitingastað er um að ræða með barnahorni og sportbar á efri hæð. Það er veitingamaðurinn Kristján Þórir Kristjánsson, eða Kiddi eins og hann er kallaður, sem stendur að opnun staðarins en áður rak hann Símstöðina og Rub23. Vikudagur spjallaði við Kristján um nýja staðinn.
-Svifryksmengun á Akureyri hefur þrisvar mælst yfir heilsumörkum það sem af er aprílmánaðar. Bæjaryfirvöld reyna að stemma stigu við vandanum. Vor er í lofti og snjórinn að bráðna sem skýrir svifryksmengunina.
-Rekstur Norðurorku gekk vel á árinu 2018. Ársvelta samstæðunnar var 3,8 milljarðar króna, hagnaður ársins 559 milljónir króna eftir skatta og eigið fé 12 milljarðar króna. Norðurorka vekur athygli á því að sóun á heitu vatni og neysluvatni auki og hraði fjárfestingaþörf í innviðum sem aftur kallar á hækkanir á verðskrá félagsins.
-Dalvíkingurinn Heiðar Andri Gunnarsson, nemandi á félags- og hugvísindabraut VMA, efndi til sérstaks áheitahlaups í þágu Krabbameinsfélags Akureyrar og nágrennis í tengslum við Vorhlaup VMA sem fram fór nýverið. Amma Heiðars Andra glímir við krabbamein og því vildi hann styrkja gott málefni.
-Í Húsi vikunnar fjallar Arnór Bliki Hallmundsson um Hvoll í Glerárþorpi.
-María Sigurbjörnsdóttir Hammer tók áskorun móður sinnar Súsönnu Hammer og kemur með nokkrar uppskriftir í matarhornið þessa vikuna.
Þetta og meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
