13.nóvember - 20.nóvember - Tbl 46
Viðræður hafnar um vinnslu á stórþara á Húsavík
Húsavíkurhöfn . Mynd/epe
Húsavík er á góðri leið með að verða miðstöð fyrir umhverfisvæna framleiðslu úr náttúrulegum hráefnum í matvæli, lyf og heilsuvörur sem eftirspurn er eftir á alþjóðlegum mörkuðum, samkvæmt fréttatilkynningu frá Íslandsþara ehf. Snæbjörn Sigurðarson verkefnastjóri segir í samtali við Vikublaðið að viðræður við fjárfesta standi yfir um að hefja vinnslu á stórþara á Húsavík og að þær gangi vel. Það eru Íslensk verðbréf sem halda utan um viðræðurnar. „Þeir sjá um fjármögnunarhluta verkefnisins og það eru komnir fjárfestar við borðið sem eru að skoða verkefnið en engar ákvarðanir hafa verið teknar. Íslandsþari er nýtt fyrirtæki sem Íslensk verðbréf stofnuðu til að koma verkefninu af stað. Að sögn Snæbjörns liggur endanlegt eignarhald ekki fyrir en að útlit sé fyrir að það verði að mestu leiti í höndum Íslendinga.
Tilkynninguna frá Íslandsþara má lesa hér fyrir neðan:
„Fyrirtækið Íslandsþari ehf. telur gott aðgengi að lykilþáttum, s.s. jarðhita, þaramiðum og góðum innviðum skipti höfuðmáli við val á staðsetningu fyrir starfsemina. Fyrirtækið mun afla og vinna stórþara, Laminaria hyperborea, en í honum býr einstök flóra náttúrulegra efna sem hægt er að vinna úr fjölbreyttar og verðmætar afurðir. Ein meginafurðin nýtist í framleiðslu bakflæðislyfja og virkar þarinn þannig sem náttúrulegur valkostur við aðrar vörur á markaði. Íslenski stórþarinn býr yfir sérstökum heilsueflandi eiginleikum sem nýtast í baráttunni við krabbamein og ofþyngd sem og í snyrti- og heilsuvörur.
Eitt af langtímamarkmiðum fyrirtækisins er að framleiða niðurbrjótanlega himnu úr þaranum sem hægt er nota sem umhverfisvænan valkost í stað plasts við varðveislu ferskra matvæla. Framleiðsla fyrirtækisins mun fyrst og fremst fara inn á alþjóðlegan markað sem í dag veltir ríflega 80 milljörðum króna árlega. Stefnt er að því að árið 2025 þegar starfsemin hefur náð fullum afköstum verði ársvelta fyrirtækisins um 5,4 milljarðar króna. Á þeim tíma er gert ráð fyrir um 90 stöðugildum hjá fyrirtækinu.“
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
