13.nóvember - 20.nóvember - Tbl 46
„Við erum að leita að kraftinum sem býr í íbúum á svæðinu“
Silja Jóhannesdóttir, verkefnastjóri hjá SSNE. Mynd/aðsend
Samtök sveitarfélaga og atvinnuþróunar á Norðurlandi eystra (SSNE) taka í ár þátt í Nýsköpunarvikunni í samtarfi við SSNV. Um er að ræða viðburð sem haldinn verður í annað sinn á þessu ári dagana 26. maí til 2. júní.
Nýsköpunarvikan er hátíð þar sem fyrirtækjum og frumkvöðlum gefst kostur á að standa fyrir nýsköpunartengdum viðburðum þar sem spennandi sóknarfæri og frjóar hugmyndir geta sprottið upp.
Hátíðinni er ætlað að vekja athygli á nýsköpun sem á sér stað innan stofnana, fyrirtækja og sprotafyrirtækja þar sem framúrstefnulegar lausnir, ólík sköpunarferli og kraftmiklir frumkvöðlar fá notið sín. Nýsköpunarvikan er þannig vettvangur fyrir innlenda jafnt sem erlenda aðila til að kynnast nýsköpun á Íslandi, tengjast sprotum, fjárfestum og frumkvöðlum og mynda ný viðskiptasambönd og tengsl.
Vilja ná til almennings
Að sögn Silju Jóhannesdóttur, verkefnastjóra hjá SSNE, sjá landshlutasamtökin sér mikil tækifæri í þátttöku fyrir Norðurland eystra, frumkvöðla og fyrirtæki á svæðinu að koma sér á framfæri á þessum vettvangi. „SSNE hefur upp á að bjóða öflugt stuðningsnet fyrir nýsköpunarstarf. Við viljum opna þessar gáttir almenningi svo umræðan eigi sér ekki bara stað í lokuðum kreðsum,“ segir Silja.
Í samtali við Vikublaðið dregur Silja fram Hugmyndaþorpið sem áhugaverðan vefvang sem verður opinn alla vikuna. Hugmyndaþorpið er í raun vettvangur á netinu þar sem fólk getur komið saman og rætt hugmyndir sínar um fullvinnslu afurða. Fullvinnsla afurða er sameiginlegt markmið sóknaráætlanna landshlutasamtakanna á Norðurlandi, SSNE og SSNV. „Við erum að leita að kraftinum sem býr í íbúum á svæðinu,“ segir Silja og bætir við að Hugmyndaþorpið sé fyrir hvern sem er til að koma með hugmyndir og aðferðir til að fullnýta afurðir. „Svipuð hugmyndafræði og í hakkaþonum. Besta hugmyndin verður valin og þetta er keyrt í samvinnu við Austan mána sem þróaði vefvanginn og aðlagaði að vikunni.“
Þá nefnir Silja nokkuð sem heitir Nýsköpunarferðalag um Norðurland en það eru eins konar sýndarheimsóknir í Fab-lab. „Einnig svona nýsköpunarmiðstöðvar. Þar er sett upp rafrænt kort þar sem sýndar eru staðsetningar og örmyndbönd til kynningar fyrir alla staðina.“
Að lokum munu þátttakendur kynnast „Matarboðinu“ sem keyrt verður yfir allt landið. Frumkvöðlar í ræktun eða matarframleiðslu tengjast veitingastöðum og eru með „pop up“ kvöld í kringum vikuna. „Staðfest á Norðurlandi er rababara ræktandi í Eyjafirði sem mun starfa með Sjávarborg á Hvammstanga. Fleiri eru skráðir en við eigum eftir að fá frekari upplýsingar um það,“ segir Silja.
Hádegisstreymi verða í boði alla virka daga vikunnar. „Í hverju og einu verður fókus á atvinnugrein og nýsköpun innan hennar þar sem tveir eða fleiri koma saman og segja frá nýsköpun innan síns fyrirtækis eða stofnunar,“ útskýrir Silja.
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
