Veðurklúbbur Dalbæjar spáir mildum janúar fyrir norðan
Veðurklúbbur Dalbæjar kom saman til fyrsta fundar ársins í gær í betri stofu Dalbæjar. Niðurstaða fundarins var sú að Norðlendingar megi eiga von á mildum vetri í janúar þó aðrir landshlutar muni ekki sleppa eins vel.
Þá var farið yfir fundargerðir síðasta árs og niðurstaða þeirrar yfirferðar sú að klúbburinn hafi verið nokkuð sannspár.
„Og samkvæmt tunglkomu þann annan janúar síðastliðin þá eigum við hér norðan heiða áfram von á mildum vetri í janúar á meðan aðrir hlutar landsins eiga því miður ekki alveg sama láni að fagna. En þar sem eitthvað er ennþá laust af byggingalóðum hérna á Dalvík þá mælum við eindregið með því að þið sækið um lóð hér og fáið þannig notið með okkur veðurblíðunnar í sama mæli.
Annars voru ræddir draumar, andleg málefni, hafís og margt annað af átta félögum Veðurklúbbsins að þessu sinni og öll þau umræðuefni og mörg fleiri tengjast að sjálfsögðu veðrinu, enda ekkert okkur óviðkomandi í leit okkar að traustum leiðum að réttustu veðurspám framtíðarinnar.
Við kíktum reyndar líka á veðurþáttaspána á vedur.is og þau virðast alveg vera að standa sig með prýði enda yfirgnæfandi líkur á að þau þar styðjist við langtímaspár Veðurklúbbs Dalbæjar,“ segir í fundargerð veðurklúbbsins sem sendur var á Vikublaðið.
Fornu fræðin finnast enn
Hjá fróðleiksmolum fullum
Því leiknir eru liðsins menn
Sem mata mig á gullum.
Höf. BJ./ Bjór.
En sú blíða allsstaðar.
En sú blíða allsstaðar
– auðar víða hlíðarnar.
Betra tíðar fæst ei far
– fram í líður janúar.
Höfundur:Ingimundur Gunnar Jörundsson
Heimild:Kvæðaperlur úr Kaldrananeshreppi.
Janúar 1953.
Nýjast
-
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Afleit veðurspá á morgun sýnum gát
Spáð er afar slæmu veðri seinnipart föstudagsins 15. nóvember. Óttast er að sambærilegar aðstæður gætu skapast á Akureyri og í september 2022, þegar sjór flæddi yfir hluta Oddeyrar og olli miklu tjóni. -
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn
