20. nóvember - 27. nóvember - Tbl 47
Útgáfutónleikar og dægurlagaperlur á Græna hattinum
Fjölbreytt dagskrá verður á Græna hattinum um helgina. Í kvöld, fimmtudagskvöld, verður uppistand sem gengur undir nafninu Goldengang Comedy þar sem fjórir íslenskir uppistandarar troða upp á ensku. Í þrjú ár hafa þeir troðið upp yfir 300 sinnum á hinum ýmsu börum Reykjavíkur og töldu að tími væri tilkominn að bregða sér til Akureyrar með sína vinsælu sýningu. Þetta eru þeir Arnór Daði, Greipur, Helgi Steinar og Gísli Jóhann. Uppistandið hefst kl. 21.00.
Á föstudagskvöldið 7. september verður svo endurtekin dagskrá vegna fjölda áskorana sem flutt var fyrr í sumar þar sem þau Guðrún Gunnars, Óskar Pétursson og Magni Ásgeirsson syngja sín uppáhaldslög við undirleik Valmars Valjaots. Farið verður í gullkistur íslenskrar dægurtónlistar. Skemmtunin hefst kl. 21.00.
Útgáfutónleikar JAK verða svo á laugardagskvöldinu 8. september. Söngvarinn Stefán Jakobsson hefur fyrir löngu getið sér gott orð með hljómsveitinni DIMMA og víðar. Undanfarin misseri hefur hann unnið að sinni fyrstu sólóplötu. Platan nefnist einfaldlega JAK sem er einnig listamanns nafn Stefáns. Tónlistina vann Stefán í samvinnu við Halldór Á. Björnsson (Ledgend).
Textasmíðar voru svo í höndum Stefáns og Magnúsar Þórs. Landskunnir tónlistarmenn og vinir ljáðu Stefáni raddir og hljóðfæraleik á plötunni sem spannar breitt litróf. Nú þegar hafa lögin Flóttamaður og Ánauð fengið að hljóma í eyru landsmanna og fengið frábærar viðtökur og ratað inná vinsældarlista útvarpsstöðva. Hljómsveitina skipa Stefán Jakobsson, söngur, Birgir Jónsson, trommur, Birkir Rafn Gíslason, gítar og Hálfdán Árnason bassi. Tónleikarnir hefjast kl. 22.00.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
