Úrbætur á aðflugi að Akureyrarflugvelli á næsta ári
Eins og greint var frá hér á vefnum í morgun lýsti Njáll Trausti Friðbertsson þingmaður áhyggjum sínum yfir þvi að nýtt aðflug úr suðri, það er þegar lent er til norðurs, yrði ekki tilbúið þegar EasyJet hæfi flug sitt í lok október. Vefurinn leitaði eftir fréttum um stöðu málsins hjá Sigrúnu Jakobsdóttur en hún er eins og kunngut er framkvæmdastjóri Isavia Innanlandsflugvalla.
,,Við erum að fara að setja af stað hönnun á A-RNP aðflugi úr suðri sem verður gefið út árið 2024. Flugferlahönnun er unnin samkvæmt áætlun á hverju ári og þetta aðflug er næst á dagskrá. Þetta verður töluverð breyting fyrir Akureyrarflugvöll því á sama tíma verður radaraðflug lagt niður og skiparatsjáin tekin niður. Um það bil hálf öld er síðan ratsjáin var sett upp á Akureyrarflugvelli. Ratsjáin er upphaflega framleidd til notkunar í skipum og miðast hönnun og framleiðsla við þá notkun. Þegar ratsjáin var sett upp á sínum tíma var stuðst við reglur frá Bretlandi varðandi uppsetningu ásamt verklagi í tengslum við notkunina. Reglur sem snúa að flugleiðsögu hafa breyst verulega frá því ratsjáin var sett upp og stenst hún á engan hátt þær kröfur sem gerðar eru til flugleiðsögubúnaðar í dag.
Á þeim tíma sem liðinn er síðan ratsjáin var sett upp hafa orðið umtalsverðar breytingar á þeirri flugleiðsöguþjónustu sem boðið er upp á fyrir Akureyrarflugvöll en í því sambandi má nefna ILS á báða flugbrautarenda ásamt flugferlum sem byggja á gervihnattaleiðsögu fyrir braut 19. Einnig hefur búnaður flugvéla sem nota Akureyrarflugvöll tekið miklum breytingum á tímanum.”
Ekki orðið vör við áhyggjur fólks hjá Easy jet
,,Easy jet hefur undirbúið flugáætlun sína vel. Þeir hafa fengið ítarlegar upplýsingar og fræðslu frá okkur um aðstæður á Akureyrarflugvelli og fyrirhugaðar breytingar og innleiðingu á A-RNP á næsta ári og ekki gert athugasemdir.
Þeir hafa heimsótt flugvöllinn og skoðað aðstæður. Flugmenn þeirra eru að fá viðeigandi þjálfun á flugvellinum og ég hef ekki orðið vör við miklar áhyggjur hjá þeim af vetrarmánuðum. Flugfélagið hefur verið að skoða möguleika á Akureyri síðast liðin áratug og metið reglulega bæði flugvöllinn og áfangastaðinn Norðurland og nú eru þessi ánægjulegu áform að verða að veruleika. Auðvitað geta komið erfið skilyrði í veðri yfir Norðurlandi en reynslan með vetraráætlun bæði Transavia og Superbreak sýnir að þjálfun og undirbúningur flugmanna skiptir höfuðmáli.”
Sagði Sigrún í skriflegu svari svari til vefsins.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
