20. nóvember - 27. nóvember - Tbl 47
Ungmenni bæjarins velta fyrir sér hvort tekjutengja eigi frístundastyrk Reglulega skoðað hvað megi gera betur
Ellert Örn Erlingsson forstöðumaður íþróttamála á Akureyri
„Það er í reglulegri skoðun hjá Akureyrarbæ hvernig hægt er að auka nýtingu frístundastyrksins,“ segir Ellert Örn Erlingsson forstöðumaður íþróttamála á Akureyri. Ríflega 18% barna og ungmenna nýttu sér ekki frístundastyrki á liðnu ári, en hann nemur 40 þúsund krónum á ári til hvers barns/ungmennis frá 6 til 17 ára og gengur upp í kostnað við íþróttir eða tómstundir sem þau stunda. Heldur fleiri drengir en stúlkur nýta ekki frístundastyrkinni, þeir voru 58% og stúlkur 42%.
Ungmenni hafa kallað eftir betri kynningu á styrknum og kom málið til umræða á bæjarstjórnarfundi unga fólksins nýverið. Þar kom fram að dýrt sé að stunda íþróttir og á sumum heimilum komi sá kostnaður í veg fyrir að krakkar stundi íþróttir. Ungmennaráð spurðist fyrir um hvort til greina kæmi hjá bæjarstjórn að hafa styrkinn tekjutengdan. Vel kemur til greina að ráðast í kynningarátak vegna frístundastyrksins að því er fram kom á fundinum en engin ákvörðun hefði verið tekin um tekjutengingu.
Alltaf svigrúm fyrir bætingar
Ellert Örn segir að í þeirri vinnu bæjarins að auka nýtingu á frístundastyrknum sé hann bundin við að fara í almennar og miðlægar aðgerðir til að athuga og greina atriði sem vert sé að skoða nánar. Framboð til að nýta frístundastyrk er fjölbreytt og þá er hann vel sýnilegur í skráningarferli þegar forráðamenn skrá og greiða fyrir börn í íþróttir og tómstundir. „Í leit að svörum við nýtingunni hefur því verið fleygt fram að sumir hreinlega gleymi að nota styrkinn þegar gengið er frá skráningu og greiðslu, aðrir þekki ekki til styrksins og enn aðrir geta ekki nýtt sér styrkinn þar sem hann er bara hluti af þeim kostnaði sem fylgir þátttöku barnsins í íþróttum og tómstundum,“ segir hann.
Reglulega sé skoðað hvar og hvernig megi gera betur í markaðssetningu og nýtingu frístundastyrksins, „því það er alltaf svigrúm fyrir bætingar þar sem langtímamarkmiðið væri að öll börn væru virk í einhverjum íþróttum og/eða tómstundum og um leið 100% nýting á frístundastyrk Akureyrarbæjar. Það væri geggjað,“ segir Ellert Örn.
Tæpur þriðjungur nemenda í Oddeyrarskóla nýtir ekki frístundastyrk
Í samantekt um frístundastyrk Akureyrarbæjar er varpað upp í töflu nýtingu styrksins innan skólahverfa þ.e. hlutfall barna á aldrinum 6 til 17 ára innan hvers skólahverfis sem nýtti sér styrkinn. Hæst er hlutfallið í Lundarskóla, 83%, þá í Gilja- og Glerárskóla 82,6% í hvorum skóla. Nemendur Brekkuskóla sem nýttu styrkinn voru 79,7% og hlutfallið var 78% í Síðuskóla og 77,5% í Naustaskóla. Grímsey/Hrísey kom þar á eftir með 77,4% nýtingu. Fæstir eru nemendurnir í Oddeyrarskóla þar sem 71% nemenda nýtti sér frístundastyrkinn.
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
