13.nóvember - 20.nóvember - Tbl 46
Um tuttugu þúsund heimsóttu Sjóböðin í júlí
Ármann Örn Gunnlaugsson, framkvæmdastjóri Sjóbaðanna á Húsavík segir aðsókn hafa verið góða í sumar. Mynd/epe
-
Stjórn Sjóbaðanna á Húsavíkurhöfða fundaði í gær þar sem meðal annars var farið vel yfir aðsókn sumarsins.
Ármann Örn Gunnlaugsson, framkvæmdastjóri Sjóbaðanna segir í samtali við Vikublaðið að aðsókn í júlí hafi verið með besta móti. „Gestafjöldi í júlí var eiginlega nákvæmlega eins og hann var í fyrra enda getum við ekki tekið fleiri, við erum að toppa okkur í júlí,“ segir hann.
Aukning í maí og júní
Þá segir Ármann að maí og júní séu að koma töluvert betur út en á síðasta ári. „Sérstaklega maí en þar auðvitað spilar inn í að aðstæður vegna Covid voru lakari á sama tíma í fyrra. Þá vorum við að lenda í lokunum inn á milli. Faraldurinn hafði minni áhrif í ár en þó vissulega eitthvað. Ég myndi halda að það sé einhver aukning á stökum dögum en aukningin skýrist að miklu leyti á því að við misstum daga út í fyrra vegna lokana,“ segir hann.
Afsláttarleiðir í fyrra
Þá beri einnig að taka tillit til þess að í fyrra hafi verið farið í afsláttarleiðir til að mæta ástandinu í samfélaginu. Boðið var upp á tveir fyrir einn tilboð til KEA-korthafa og frítt fyrir börn 12 ára og yngri. Sama leið hafi ekki verið farin í ár. „Við erum samt að fá inn sama fjölda í júlí og fleiri í maí og júní,“ segir Ármann og ber sig vel eftir vertíðina. „Við kvörtum ekki, júlí er bara eins stór og hann getur orðið en það eru svona 20 þúsund manns.“
Árskortahafar taka frí í júlí
Þá segir Ármann að um 90-95% gesta í júlí greiði á staðnum eða í gegnum heimasíðu fyrirfram og þá fækki komum árskortahafa. „Í maí og júní er talsvert af árskortahöfum, þannig að traffíkin er alltaf töluverð þessa mánuði. Þeim snarfækkar hins vegar í júlí þegar mest er að gera. Þá er mest um gesti sem greiða á staðnum eða í gegnum heimasíðu, eða um 90-95% gesta.“
Spenntur fyrir haustinu
Aðspurður hvort umferð um böðin hafi farið minnkandi eftir Verslunarmannahelgi segir Ármann að það sér ekki verulegt. „Það hefur aðeins minnkað en ekkert farið að róast mikið. Það er alveg töluverður reitingur af ferðamönnum í bænum enn þá. Ég myndi segja að við séum komin í aðeins eðlilegri traffík núna eftir mjög góðan júlímánuð. Það eykur bara á stemmninguna og upplifun gesta,“ segir hann og kveðst vera ánægður með sumarið.
„Ég er mjög ánægður með aðsóknina í sumar og spenntur fyrir aðsókninni í haust.“
Fréttin hefur verið uppfærð. Í upphaflegur fréttinni var greint frá að 15 þúsund gestir hafi heimsótt Sjóböðin í júlí. Hið rétta er að um 20 þúsund gestir hafa heimsótt Sjóböðin í júlí. Það hefur nú verið leiðrétt.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
