Um 220 skip hafa bókað komu sína til Akureyrar
„Það er óhætt að segja að skemmtiferðaskipaiðnaðurinn sé nánast búinn að ná sér efir gríðarlega niðursveiflu árin2020 til 2021á kórónuveirutímanum,“ segir Sigríður María Róbertsdóttir markaðsstjóri Hafnasamlags Norðurlands. Alls eru bókaðar tæplega 220 skipakomur til Akureyrar í ár, en mest verður um að vera á tímabilinu frá maí og fram í september. Fyrsta skipið er væntanlegt 1. apríl næstkomandi og það seinasta fer 11 október.
Sigríður María segir að árið 2022 hafi verið tekið á móti 198 skipum og komu um 134 þúsund farþegar íhafnir Hafnasamlags Norðurlands, þ.e. á Akureyri, Hrísey og Grímsey, en það er rétt um 18 þúsund farþegum færra en var árið 2019. Hún segir hlutfall bókaðra farþega í skipin síðastliðið sumar hafa var ívið lægra í fyrra en tíðkast hefur, eða 68%. Almennt hefði bókunarhlutfallið verið í kringum 95%. „Helsta breytingin á samsetningu farþega síðastliðið ár var sú að lægra hlutfall farþega kom frá Evrópuþjóðum á meðan töluverð fjölgun var á farþegum frá Norður Ameríku,“ segir hún. Ekki sé þess að vænta alveg strax að bókunarhlutfall komist á sama stað og fyrir kóvid, „en ef við reiknum með svipuðu bókunarhlutfalli og í fyrra þá gætum við átt von á um 190 þúsund farþegum til hafna Hafnasamlags Norðurlands í sumar.“
Aukin tækifæri á smærri stöðum
Útlit er fyrir að árið verði gott hjá Hafnasamlagi Norðurlands varðandi komur skemmtiferðaskipa en bókaðar eru 218 komur til Akureyrar, 55 til Grímseyjar, 6 til Hríseyjar „og svo munum við taka á móti okkar fyrsta skipi á Hjalteyri sem er mjög spennandi,“ segir Sigríður María.
„Farþegar leiðangursskipa eru almennt að leita eftir náttúrunni og kyrrðinni á íslandi og eru skipafélögin í auknum mæli farin að sækja í að stoppa frekar á minni stöðum, líkt og Hjalteyri. Ég tel þessa þróun mjög jákvæða þar sem hún mun leiða af sér aukna dreifingu um landið og aukin tækifæri í ferðaþjónustu fyrir smærri staði, sem hafa, í mörgum tilfellum ekki fengið sinn skerf af þeirri fjölgun ferðamanna sem orðið hefur á landinu síðastliðin ár.“
Bæta við starfsfólki
Hún segir að mikill undirbúningur sé í gangi fyrir næsta sumar og muni Hafnasamlagið bæta við sig 8 til 10 starfsmönnum yfir sumarið en undanfarin hafi einnig verið að bætast við heilsársstarfsfólk. „Það er ljóst að aukinn skipafjöldi mun hafa mikil áhrif á þjónustuaðila á svæðinu sem eru í óða önn að skipuleggja sumarið til að þjónusta viðskipatvini sína sem best.
Sigríður María segir að gangi allt að óskum verði búið að reka niður stálþil á Torfunefi fyrir sumarið svo hægt verði að nýta bryggjuna til bráðabirgða, bæði fyrir minni skemmtiferðaskip og hvalaskoðunarskip. Lóðirnar verði boðnar út til uppbyggingar næsta vetur.“ Það er líka gaman að segja frá því að ný flotbryggja verður tekin í notkun fyrir sumarið í Grímsey
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
