13.nóvember - 20.nóvember - Tbl 46
Tvískiptur göngu- og hjólastígur meðfram Leiruvegi í burðarliðnum
Til stendur að leggja nýja göngu- og hjólastíg meðfram Leiruvegi, frá Drottningarbraut og austur að Leirubrú. Hann verður tvískiptur, annar fyrir gangandi og hinn hjólandi. Undirbúningur stendur sem hæst en þess er vænst að verkinu verði lokið sumarið 2023.
mth@vikubladid.is
Akureyrarbær er í samvinnu við Vegagerðina að undirbúa lagningu nýs göngu- og hjólastígs meðfram norðanverðum Leiruvegi, frá Drottningarbraut og austur að Leirubrú. Stefnt er að því að hafa stíginn tvískiptan, þannig að hjólandi og gangandi verða á sitt hvorum stígnum.
Andri Teitsson formaður umhverfis- og mannvirkjaráðs segir að við stíginn verði settir upp áningar- og útsýnisstaðir þar sem hægt verði að staldra við og njóta lífsins á góðviðrisdögum.
Meðfram Leirubrú norðanmegin er 1,5 metra breiða stétt sem erfitt er að breikka og er því verið að skoða hvaða kostir eru í stöðunni þar að sögn Andra.
Eyjafjarðarsveit sér um gerð stígs austan við nýju brúna með tengingu við Skógarböðin. Hugmyndir eru um að koma fyrir undirgöngum undir þjóðveginn í námunda við innkeyrslu að Skógarböðunum. Þannig myndast örugg tenging fyrir nýja stíginn sem Svalbarðsstrandarhreppur er að gera norður og upp í gegnum Vaðlareit, austan við Þjóðveg 1.
Uppbyggingu lokið næsta sumar
„Við erum að vonast til þess að uppbygging Leirustígsins Akureyrarmegin verði lokið sumarið 2023 og endanlegum frágangi ári síðar. Nú eru sérfræðingar umhverfis- og mannvirkjaráðs að fara betur yfir kostnaðaráætlanir, ekki hvað síst hvað varðar færslu og endurbætur á grjótvörn sem verður nokkuð dýr framkvæmd,“ segir Andri.
Stígurinn verður hluti af stofnstígakerfi Akureyrar og mun með tímanum ná norður að sveitarfélagamörkum við Hörgársveit og einnig suður að mörkum við Eyjafjarðarsveit.
Nýjast
-
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Afleit veðurspá á morgun sýnum gát
Spáð er afar slæmu veðri seinnipart föstudagsins 15. nóvember. Óttast er að sambærilegar aðstæður gætu skapast á Akureyri og í september 2022, þegar sjór flæddi yfir hluta Oddeyrar og olli miklu tjóni. -
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu. -
Metsöfnun Dekurdaga í ár, 6,7 milljónir
Styrkurinn fyrir Dekurdaga árið 2024 var afhentur í Hofi við hátíðlega athöfn á dögunum og var enn og aftur slegið met, því upphæðin hljóðaði upp á kr. 6.700.000!! Upphæðin safnaðist með þátttökugjöldum fyrirtækja, sölu á bleikri slaufu í staur og almennum styrkjum frá fyrirtækjum og félagasamtökum. Að auki voru mörg fyrirtæki með uppákomur þar sem safnað var pening í söfnunina.
