Tvíburabræðurnir Ómar og Ingvar stofnuðu eigið fyrirtæki
Starfssvið fyrirtækisins er alhliða ráðgjafastarfsemi í landslagsarkitektúr og skipulagi og m.a. sjá þeir um hönnun fyrirtækjalóða, stofnanalóða og almenningsgarða og deiliskipulag íbúðarsvæða, sumarbústaðasvæða og útivistarsvæða svo eitthvað sé nefnt. Bræðurnir hafa verið við vinnu og nám erlendis og í Reykjavík síðasta áratug en ákváðu fyrir skömmu að flytja aftur heim og fara að vinna sjálfstætt. Ómar er skipulagsfræðingur en Ingvar landslagsarkitekt og hafa þeir bræður öðlast mikla og góða þekkingu á sínum sviðum. Þeir reikna með að vera mest með starfssemina á Norðurlandi en allir landshlutar eru þó vel inn í myndinni vegna tækninnar í dag.
Ómari líst vel á reksturinn og er fullur bjartsýni. "Það er spennandi að vera sinn eigin herra og gera þetta sjálfur og með sínar skoðanir á þessu," segir Ómar. Fyrirtækið er rúmlega tveggja mánaða gamalt en þeir fóru af stað 2. maí sl. Ómar segir að byrjunin lofi góðu og þeim hafi verið vel tekið. "Það er nóg að gera hjá okkur, við höfum fengið mikið af verkefnum hingað til þrátt fyrir að við höfum ekkert verið að auglýsa okkur af ráði og þetta hefur bara komið upp í hendurnar á okkur þannig að við erum fullir bjartsýni," sagði Ómar að lokum. Bræðurnir eru staðsettir í Hafnarstræti 82 á Akureyri og hafa þeir opnað heimasíðuna, http://www.x2.is/ þar sem hægt er nálgast um upplýsingar um þá og fyrirtækið.
Nýjast
-
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar. -
Mikil umferð á Akureyrarflugvelli í dag
Það var í mörg horn að líta hjá starfsfólki Akureyrarflugvallar í dag og óhætt að fullyrða að veðrið lék við hvern þann sem um völlinn fór. -
Stóri plokkdagurinn er á sunnudaginn
Stóri plokkdagurinn verður haldinn sunnudaginn 27. apríl og eru Akureyringar hvattir til að hreinsa rusl í sínu nærumhverfi.
