6. nóvember - 13. nóvember - Tbl 45
Tugmilljónatjón af völdum smitandi veiruskitu
Bændur á svæðinu hafa orðið fyrir umtalsverðu tjóni vegna smitandi veiruskitu sem hefur verið í gangi. Kýr mjólka minna meðan þær eru veikar og er afurðatjón mikið. mynd MÞÞ
Tugmilljónatjón hefur orðið vegna smitandi veiruskitu sem herjað hefur á kúabú í Eyjafirði og S-Þingeyjarsýslu. Alls eru um 80 kúabú í Eyjafirði og um 40 í S-Þingeyjarsýslu. Sigurgeir Hreinsson framkvæmdastjóri Búnaðarsambands Eyjafjarðar segir veiruna haga sér með svipuðum hætti og kórónuveiran geri gagnvart mannfólki og eru dæmi þess að hún hefur borist inn á bæi í allt að þrígang yfir ákveðið tímabil.
Sigurgeir segir veiruna hafa verið í gangi með stuttum hléum frá því síðla árs 2021. Þá hafi hún haft viðkomu á nánsta hverjum bæ á svæðinu. Hlé varð í skamma stund en um miðjan desember fór að bera á veirunni á ný í Þingeyjarsýslu. Í upphafi þessa árs barst hún yfir í Eyjafjörð og fór með undraverðum hraða milli bæja.
„Það eru um 40 kúabú í Eyjafjarðarsveit og á um það bil þremur vikum náði veiran að stinga sér niður á hvert og eitt þeirra,“ segir hann. Sem dæmi um við hvað er að eiga nefnir Sigurgeir að hann haldi nokkrar holdakýr, hvorki mjólkur- né fóðurbíll eigi erindi heim á hlað og enginn utanaðkomandi komi inn í fjós. „En veiran barst samt í gripina,“ segir hann og hefur ákveðnar grunsemdir um að hrafnar geti borið veiruna á milli. Hann hafi heygjafagrind úti á túni og þeir hafi ef til vill farið í hana.
Sigurgeir segir að skita hafi um árin stungið sér niður af og til og oft verið langt á milli, hann muni sjálfur eftir slíku m.a. árin 1963 og 1974 og síðan hafi liðið langur tími til þar til hennar varð vart næst. „Þessi sýking hefur ekki verið mjög áberandi á síðastliðnum árum,“ segir hann.
Fyrsta smitið kom upp í Svarfaðardal um liðna helgi, þar á undan hafði veiran verið að breiðast út í Hörgárdal og á Árskógströnd. Eins hefur hún farið um kúabúin á Svalbarðströnd og borist þaðan út í Höfðahverfi.
Hagar sér eins og kórónuveiran
„Þessi veira hagar sér nánast eins og kórónuveiran gerir í fólki, en þess eru dæmi að kýr hafi fengið veiruna í nokkur skipti. Þeir gripir sem fá veiruna skapa ekki ónæmi fyrir henni þegar hún berst inn í fjós næst,“ segir Sigurgeir. Á nokkrum bæjum hefur veiran komið inn tvisvar eða þrisvar sinnum. „Það virðist sem vörn gripanna sé engin þegar veiran blossar upp á ný, hún hverfur á þetta fjórum til sex mánuðum.“
Tjón af völdum sýkingarinnar er umtalsvert, en Sigurgeir giskar lauslega á að tjón á hverjum bæ geti numið um einni milljón króna þannig að tjónið er talið í tugum milljóna. Afurðatjón er mikið, en kýrnar mjólka um þriðjungi minna en þær geri vanalega á meðan þær eru veikar. Þá getur heilsufarstjón einnig orðið mikið, auk þess sem hætta á sjúkdómum eins og júgurbólgu verði meiri. Ekki algengt að kýr drepist af völdum sýkingarinnar en það hafi þó komið fyrir. „Það jákvæða við þetta allt saman er að kýrnar eru í langflestum tilvikum fljótar að ná sínum fyrri styrk,“ segir hann.
Sýni eru nú til rannsóknar og er niðurstöðu beðið að sögn Sigurgeirs.
Nýjast
-
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns.
