20. nóvember - 27. nóvember - Tbl 47
Tjaldsvæðið – Villigötur
Þessi er hugmyndin um bílakjallarann undir tjaldsvæðisreitnum (gráleita svæðið). Gamli húsmæðraskólinn er fyrir miðri mynd. Nyrst (lengst til hægri) er hótel Berjaya. Vestur af hótelinu (ofan við á myndinni) er teiknuð heilsugæslustöð. Gert er ráð fyrir innkeyrslu í bílakjallarann á tveimur stöðum, báðum af Byggðavegi. Ekki er ljóst hvernig aðgengi sjö húsa af fimmtán verður hagað að þessum risavaxna bílakjallara. Mynd: Nordic – office of Architecture
Svo ég segi það strax þá óttast ég að í uppsiglingu sé meiriháttar slys á tjaldsvæðisreitnum við Þórunnarstræti. Arkitektastofan Nordic – office of Architecture hefur skilað tillögum að uppbyggingu á reitnum sem hafa fallið í góðan jarðveg hjá meiri hluta skipulagsráðs Akureyrarbæjar.
Stefnt er að þéttri byggð, 15 fjölbýlishúsum og 200 íbúðum á reitnum. Tröllauknar hugmyndir eru um bílakjallara. Moka á í burtu öllum vestari hluta tjaldsvæðisins og steypa í staðinn 9.700 fermetra kjallara með stæðum fyrir 275 bifreiðar.
Enginn veit hver áhrif svona gríðarlegs jarðrasks kunna að verða á nágrennið. Hitt er hins vegar morgunljóst að væntanlegir íbúar tjaldsvæðisins verða tilneyddir að kaupa sneið af bílakjallaranum, ef þeir á annað borð kjósa að eiga bíl, því almenn bílastæði tengd reitnum verða nánast engin.
Með öðrum orðum, við ætlum að hækka íbúðarverð á tjaldsvæðisreitnum um tíu milljónir eða meira bara vegna andúðar á bílastæðum – ofan jarðar. Sem verður aftur til þess að ungir foreldrar veigra sér við að kaupa. Augljóslega ætti að skipuleggja tjaldsvæðisreitinn fyrst og fremst með þarfir barnafjölskyldna í huga. Reiturinn er í þægilegu göngufæri við grunnskóla, tvo framhaldsskóla, sundlaugina, íþróttahöllina, líkamsræktarstöð, íþróttasvæði KA, verslunarkjarna í Kaupangi – og sjálfan miðbæ Akureyrar.
Jón Hjaltason
Sýnum skynsemi. Hættum að hugsa um risavaxinn bílakjallara. Höfum að markmiði að tjaldsvæðisreiturinn verði sem mest freistandi fyrir unga foreldra sem er um leið hagur Akureyrarbæjar. Bílastæði verði ofan jarðar að gefnu fyrirheiti um að þeim verði breytt í leiksvæði eða gróðurreiti þegar draumsýnin um verulegan samdrátt í bílaeign bæjarbúa er orðin að veruleika.
Með þökk fyrir birtinguna
Jón Hjaltason í skipulagsráði sem óháður fulltrúi
Nýjast
-
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu.
