13.nóvember - 20.nóvember - Tbl 46
Tímahylkið í tíð kórónuveirunnar
Sýningin Tímahylkið í tíð kórónuveirunnar hefur verið opnuð í Safnasafninu á Svalbarðsströnd. Sýningin er uppskera samstarfs Svalbarðsstrandarhrepps, Safnasafnsins, leikskólans Álfaborgar, Valsárskóla og íbúa sveitarfélagsins.
Á sýningunni eru verk nemenda sem unnin eru út frá upplifun þeirra á áhrifum COVID-19 á daglegt líf okkar. Afrakstri verkefnisins, ljósmyndum og teikningum, þrívíðum hlutum, textum og persónulegum munum verður pakkað í sérsmíðað Tímahylki. Hylkið verður innsiglað og geymt á Minjasafninu á Akureyri til ársins 2071.
Björg Erlingsdóttir sveitarstjóri í Svalbarðsstrandarhreppi segir að nemendur og íbúar hafi frá upphafi COVID-19 safnað minningarbrotum, frásögnum og myndum úr daglegu lífi með það að markmiði að festa á blað söguna á tímum þar sem við skrifum ekki dagbækur lengur. „Við skrifum á facebook, framköllum ekki myndir og geymum flest sem okkur fylgir á tölvum eða í símum og ekki á pappír þannig að verkefni sagnfræðinga framtíðarinnar verða ærin við að ná í þessar upplýsingar,“ segir Björg.
Ráðstefna um áhrif heimsfaraldurs á daglegt líf
Næstkomandi laugardag, 2. október klukkan 14 verður málþing í Safnasafninu þar sem áhugaverð erindi verða flutt um áhrif heimsfaraldurs á daglegt líf okkar og samfélag í nútíð og framtíð. „Miklar breytingar eru að verða á samfélagi okkar sem við verðum vör við í daglegu lífi og áhugavert verður að opna hylkið fína, skoða það sem sett var í Tímahylkið og geymt til framtíðar um leið og samtíminn í dag sem verður orðin að fortíð morgundagsins verður rifjuð upp,“ segir Björg.
/MÞÞ
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
