Tillaga um gjaldfrjálsa 6 tíma á leikskólum Akureyrarbæjar frá áramótum
„Líklegt er að breytingarnar gagnist síst lágtekjufólki og fólki með lítið bakland, sem er einmitt sá hópur sem sérstaklega mikilvægt er að samfélagið standi vörð um,“ segir í bókun Hildu Jönu Gíslasdóttur, S-lista og Jönu Salóme Ingibjargar Jósepsdóttur V-lista sem lögð var fram á fundi bæjarráðs í tengslum við umræðu um tillögur sem er í vinnslu um að bjóða upp á 6 gjaldfrjálsa tíma í leikskólum Akureyrarbæjar og að tekjutengja leikskólagjöld.
Um tilraunaverkefni er að ræða til eins árs og gert ráð fyrir að breytingar taki gildi frá og með næstu áramótum. Áhugi er fyrir því meðal bæjarfulltrúa að tekjutengja leikskólagjöld og kom þessi vinnu upp í tengslum við gerð fjárhagsáætlunar fyrir yfirstandandi ár. Einnig var í þeirri vinnu skoðaðir möguleikar á að bjóða upp á 6 tíma gjaldfrjálsa í leikskólum með tímagjaldi fyrir viðbótartíma. Gjaldfrelsið næði til tímans frá 8 til 14 og tímagjald kæmi eftir það. Fram kemur í minnisblaði sem nýverið var lagt fram í fræðslu- og lýðheilsuráði að kostnaður þeirra sem nýta hámarksdvöl, 8,5 tíma gæti hækkað um 11%. Samhliða gjaldfrelsi stendur til að tekjutengja gjöldin og verður tekið tillit til hjúskaparstöðu foreldra, einstæðir foreldrar munu áfram njóta afsláttarkjara.
Konur eru 95% starfsfólks leikskólanna
Markmiðið með breytingunni er að efna loforð meirihlutaflokkanna á bæjarstjórn um tekjutengingu gjalda og jafnvel gjaldfrjálsan leikskóla þó ekki sé enn komið að þeim tímamótum. Fram kemur í minnisblaði að ein hugmyndin sé að í þessu fyrirkomulagi felist hvati fyrir foreldra að stytta dvalartíma barna á leikskóla og lengja samverutíma foreldra og barna. Svigrúm gæti skapast í leikskólum til að mæta kröfum um styttingu vinnuvikunnar og undirbúningstíma starfsfólks og bætt þannig starfsumhverfi í leikskólum en það þykir krefjandi og hefur hlutfall fagmenntaðs starfsfólks í leikskólum bæjarins lækkað.
Mikill meirihluti starfsfólks leikskólanna eru konur, eða 95%. „Er því ljóst að verið er að huga að bættu starfsumhverfi stórrar kvennastéttar með möguleika á styttri vinnuviku, minna álagi og efndum um kjarasamningsbundinn undirbúningtíma,“ segir í minnisblaði. Þar kemur einnig fram að stjórnendur leikskóla hafi verðið jákvæðir fyrir þessum breytingum. Til stendur að bera hugmyndina undir hagsmunahópa foreldra og kalla eftir áliti Jafnréttisstofu á málinu.
Leikskólagjöld gætu hækkað um 13%
Hilda Jana og Jana Salóme segja í bókun sinni að fyrirhuguð þjónustuskerðing og gjaldskrárhækkun á fæðis- og leikskólagjöldum fyrir þau ríflega 85% foreldra sem nýta 8 til 8 og hálfan tíma á leikskólum sé varhugaverð og líklegt til að auka ójöfnuð. Leikskólagjöld gætu miðað við minnisblaðið hækkað fyrir stærstan hluta foreldra um allt að 13% auk þess sem horft er til þess að fæðisgjald hækki almennt um 9%. „Umræða um styttingu vistunartíma leikskólabarna þarf að eiga sér stað og er sérstaklega mikilvægt að foreldrar taki þátt í þeirri umræðu,“ segja þær.
Benda þær á að mikilvægt sé að bæta kjör og vinnuaðstæður starfsfólks leikskóla og einnig þurfi samfélagið að ræða skólatíma barna á leikskólum. Bregðast þurfi við á jafnréttisgrundvelli og samvinna verður að vera við ríki, atvinnulífið og foreldra, „en ekki aðeins breyta fyrirkomulagi leikskóla. Stytting vinnuvikunnar er í kjarasamningum ekki kominn á þann stað að vera talin í klukkustundum á dag, heldur aðeins nokkrum mínútum og því ólíkleg ein og sér til þess að hafa veruleg áhrif á vistunartíma barna á leikskólum.“
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
