„Tilfinningin er sú að sumarið hafi farið langt fram úr björtustu vonum“
Ferðasumarið á Norðurlandi hefur farið fram úr björtustu vonum þrátt fyrir erfiðar aðstæður að sögn Arnheiðar Jóhannsdóttur, framkvæmdastjóra Markaðsstofu Norðurlands.
„Við erum reyndar ekki komin með tölur fyrir júlí og ágúst en tilfinningin er sú að sumarið hafi farið langt fram úr björtustu vonum. Það hefur mikið verið bókað á veitingastöðum og bæði innlendir og erlendir ferðamenn hafa verið að leggja leið sína norður í miklum mæli,“ segir hún.
Jákvæðar sögur um allt Norðurland
Arnheiður segir að ferðamenn hafi verið að dreifa sér nokkuð vel um allt Norðurland þó vissulega sé mestur fjöldi í kringum þéttbýlisstaði eins og Akureyri, Siglufjörð, Mývatn og Húsavík. „Við höfum verið að heyra góðar sögur af öllum svæðum á Norðurlandi.“
Covid áhrifin
Þá tekur Arnheiður fram að Covid 19 faraldurinn hafi vissulega sett mark sitt á ferðaþjónustuna, veitinga- og gististaðir hafi þurft að laga sig að takmörkunum. Þeir hafi því ekki verið reknir á fullum afköstum. Tölur fyrir júní sína meðal annars að fjöldi ferðamanna hafi verið um 40% miðað við eðlilegt ár. „Við bíðum spennt eftir tölum fyrir júlí og ágúst því eins og ég segi þá eigum við von á mun betri tölum þar.“
Bandaríkjamenn vinsælir
Samsetning ferðafólks hefur einnig verið þannig að fleiri ferðamenn eru að stoppa lengur en oft áður. „Við höfum verið svo heppin að vera með mikið af Bandaríkjamönnum. Það eru ferðamenn sem bæði stoppa lengur, fara víðar og eru að kaupa meiri þjónustu og gistingu en margir aðrir hópa. Sömu sögu má segja um Íslendinga. Þeir haf verið mjög duglegir að ferðast og fara gjarna um allt,“ segir hún.
Vetrartíminn áhyggjuefni
Aðspurð að því hvor hún sé ánægð með hlutfall ferðamanna á Íslandi sem skila sér norður í land, segir hún svo vera. „Yfir sumartímann höfum við ekki haft yfir neinu að kvarta. Við erum að sjá góða umferð hingað Norður. Það er vetrartíminn sem er áhyggjuefni. Það er þá sem færri skila sér út á landi,“ segir hún og bendir á að vetrarferðir fólks séu oftar en ekki styttri og því sé fólk síður að leggja í langferðir á bíl.
„Það er undir okkur hér fyrir norðan komið að setja okkur á kortið og þar skiptir markaðssetning miklu máli,“ segir hún og bætir við að það hafi verið mjög jákvætt þegar Icelandair tók yfir innanlandsflugið til Akureyrar. „Nú er Akureyri orðin mun sýnilegri í bókunarkerfunum.“
Þá segir hún að unnið sé að því í samvinnu við ferðaskrifstofur að efla millilandaflug til Akureyrar.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
