Þríburar frá Húsavík stunda nám við Háskólann á Akureyri
Ágúst Þór Brynjarsson, Rúnar Þór Brynjarsson og Særún Anna Brynjarsdóttir eru þríburar frá Húsavík og stunda öll nám við Háskólann á Akureyri. Ágúst er í viðskiptafræði, Rúnar í fjölmiðlafræði og Særún í sjávarútvegsfræði. „Maður fær oft skemmtileg viðbrögð þegar upp kemst að maður er þríburi,“ segir Rúnar og Særún bætir við: „En fjárhagslega er það ekki að gera sig því ég þarf alltaf að kaupa tvær afmælisgjafir og tvær jólagjafir handa bræðrum mínum og svo er dýrara að bjóða þeim í mat.“
Við þetta bætir Ágúst: „Og greyið mamma og pabbi í gegnum tíðina!,“ segir hann. Þríburarnir segja hafa lært meira saman fyrir Covid og fóru alltaf saman í hádegismat. En af hverju völduð þau HA? „Ég valdi viðskiptafræði þar sem mér leist mjög vel á skipulagið á náminu, sveigjanleikann og aðstöðuna í skólanum,“ segir Ágúst. „Mér finnst skemmtilegast hvað námið tengist atvinnulífinu vel. Það er hægt er að taka mjög margt úr náminu og nýta það þegar maður fer út á vinnumarkaðinn. Einnig í skilningi á t.d. fréttum, orðatiltækjum og því sem er í gangi í viðskiptaheiminum.“
Særún segist hafa valið nám við HA þar sem að námið þar er persónulegt. „Eins og ég var vön heima í Framhaldsskólanum á Húsavík. Það er frábær aðstaða í HA til þess að stunda nám og svo hjálpaði það mér líka að fá að búa áfram í sama bæjarfélagi og bræður mínir og nálægt fjölskyldunni á Húsavík. Það skemmtilegasta við sjávarútvegsfræðina er að þar er mikið verklegt. Svo finnst mér frábært að fá að heimsækja fyrirtæki og fá fólk úr bransanum til þess að kynna fyrir okkur hvað þau eru að gera eftir útskrift,“ segir Særún.
Stefna á brautskráningu í vor
„Ég var búinn að leita og leita að námi fyrir mig. Svo datt ég inn á fjölmiðlafræði í HA og þá var ekki aftur snúið,“ segir Rúnar. „Að læra það sem maður hefur áhuga á er það langskemmtilegasta við námið.“ Ágúst, Særún og Rúnar stefna öll á brautskráningu vorið 2022. „En í sumar mun ég starfa í Arion banka, gigga sem trúbador og ferðast um landið“, segir Ágúst. Að loknu námi stefnir hann ótrauður á vinnumarkaðinn og starfa við eitthvað viðskiptatengt. „Síðan er planið að fara erlendis í framhaldsnám.“
Rúnar bróðir hans mun starfa hjá Vís í sumar og spila fótbolta með Magna á Grenivík. Eftir námið langar Særúnu í skemmtilega vinnu áður en hún hefur framhaldsnám. Í sumar mun hún vinna sem verkefnastjóri sjávarútvegsskólans, ferðast og hafa gaman. „Ég hlakka þó mest til útilegu Stúdentafélags HA, það er frekar ný og skemmtileg hefð,“ segir Særún.
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
