13.nóvember - 20.nóvember - Tbl 46
Þreföld aukning í mataraðstoð fyrir jól
Sigrún Steinarsdóttir og Sunna Ósk Jakobsdóttir halda úti síðunni Matargjafir á Akureyri og nágrenni á Facebook. Margir eru í neyð fyrir jólin og mikil aukning á milli ára. Mynd/Margrét Þóra.
Sigrún Steinarsdóttir og Sunna Ósk Jakobsdóttir halda úti síðunni Matargjafir á Akureyri og nágrenni á Facebook, en núna fyrir jólin eru fjölmargir sem þurfa á aðstoð að halda. Þær búast við þrefaldri aukningu á milli ára.
„Það hefur verið aukning á mataraðstoð síðan í mars á þessu ári. Um 220 fjölskyldur hafa verið að fá aðstoð í hverjum mánuði hjá okkur. Miðað við þessa fjölgun eigum við von á að aukningin verði þreföld nú fyrir jólin. Síðustu jól voru um 100 fjölskyldur sem fengu jólaaðstoð en við búumst við að þær verði um 300 þetta árið,“ segja þær Sigrún og Sunna í samtali við Vikublaðið.
Fólkið sem þarf á hjálp að halda er á öllum aldri, mest þó ungt fólk í vinnu sem er á leigumarkaði og með börn. „Einnig eru þetta einstæðir öryrkjar með börn, eldra fólk á ellilífeyri og fleiri. Þá fáum við líka ábendingar um fólk í vanda og keyrum þá mat til þeirra. Það hefur þónokkuð komið inn af ábendingum þetta árið.“ Þær segja íbúa á svæðinu vera duglega við að svara kallinu og gefa í mataraðstoðina. „Án þeirra hefðum við ekki getað haldið þessari starfsemi í rúm sex ár en þetta eru sjöundu jólin okkur. Við auglýsum inn á Facebooksíðunni og fólk bregst alltaf við og aðstoðar.“
Rúmlega 2.200 manns skráðir inn á Facebooksíðuna og hefur fjöldinn farið vaxandi síðustu ár. „Við teljum mun fleiri vera í neyð á svæðinu en fólk gerir sér grein fyrir miðað við það að 220 fjölskyldur hafi að meðaltali fengi aðstoð hjá okkur mánaðarlega frá því í mars á þessu ári. Það er meira en helmings fjölgun miðað við árið í fyrra.“
Hafi fólk tök á að rétta fram hjálparhönd benda Sigrún og Sunna á að hægt er koma með mat í Snægil 21, íbúð 102, koma með Bónuskort eða leggja inn á reikninginn 1187-05-250899, kennitala 670117-0300.
-þev
Nýjast
-
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14.
