20. nóvember - 27. nóvember - Tbl 47
Þar verði stuð!
Sunna Hlín Jóhannesdóttir Framsókn og Brynjólfur Ingvarsson óháður skrifa
Breyting á aldurssamsetningu kallar á breytta hugsun í skipulagi. Huga þarf betur að þörfum og þjónustu til handa eldri borgurum sem vilja njóta lífsins fram á efri ár. Landssamband eldri borgara hefur talað fyrir nýrri hugsun í nálgun við húsnæðiskosti eldra fólks, svokallaða lífsgæðakjarna sem eru af danskri fyrirmynd. Í slíkum kjörnum er lögð áhersla á fjölbreytt búsetuform.
Bæjarfulltrúar Framsóknar og bæjarfulltrúi Brynjólfur Ingvarsson hafa talað fyrir uppbyggingu slíks kjarna á Akureyri og óskað eftir því að tekið verði frá sérstakt svæði fyrir íbúa eldri en 60 ára með möguleikum á fjölbreyttri þjónustu, svo sem aðstöðu fyrir hárgreiðslustofu, sjúkraþjálfara, lækni, hjúkrunarfræðinga, kaffihús og félagsaðstöðu. Horft yrði sérstaklega til svæðisins vestan Kjarnagötu í Hagahverfi sem gæti þá einnig þjónustað íbúa Nausta- og Hagahverfis og er í nálægð við fallegar gönguleiðir.
Á svæðinu væri einnig hægt að skipuleggja lóð undir heilsugæslu og hjúkrunarheimili en fyrst og fremst skipuleggja lifandi samfélag með fjölbreyttum íbúðum og þjónustu sem yrði góður valkostur við þá dreifðu byggð sem nú þegar er í boð fyrir eldri borgara.
Þetta er langhlaup og því ekki seinna vænna að byrja strax
Í vinnuhópi um endurskoðun á aðalskipulagi hefur verið tekið jákvætt í þessa hugmynd en sú vinna fer ekki lengra á þeim vettvangi. Til að þoka málum áfram ákváðu bæjarfulltrúar Framsóknar og bæjarfulltrúi Brynjólfur Ingvarsson að óska eftir umræðu um lífsgæðakjarna á bæjarstjórnarfundi og lögðu fram tillögu um stofnun vinnuhóps sem var samþykkt. Spennandi verkefni sem verður áhugavert að sjá þróast í góðu samstarfi við hlutaðeigendur.
Bæjarfulltúar á Akureyri, Sunna Hlín Jóhannesdóttir Framsókn og Brynjólfur Ingvarsson óháður.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
