6. nóvember - 13. nóvember - Tbl 45
Þankar Ingólfs Sverrissonar XV
Kolabingur á bryggju
Fæðuöryggi var ekki efst á baugi fyrri hluta síðustu aldar þegar hætta var á að landið einangraðist vegna stríðsátaka. Landsmenn höfðu mun meiri áhyggjur af kolaskorti, að þeir gætu ekki hitað upp híbýli sín og vatn af þeim sökum. Hvorugt var hægt án kola sem voru í miklum birgðum niðri á Oddeyri og í miðbænum; því stærri sem kolafjöllin voru veittu þau bæjarbúum meira öryggi. Frá þeim var ekið með kolin í stórum strigapokum í öll hús bæjarins. Til þess voru brúkaðir sérhannaðir vörubílar með pöllum sem voru lægra settir en almennt gerðist á vörubílum. Því áttu kolakarlarnir auðveldara með að ná pokunum af pöllunum beint á bakið og gengu síðan með þá í húsin. Þeir voru ávallt með þykka skinnsvuntur á bakinu til hlífðar og þær spenntar með breiðum skinnólum fram á brjóst. Þegar kolakarlarnir roguðust dökkir á brún með þessa stóru og þungu poka af kolabílunum þótti okkur strákunum að þarna færu ofurmenni og tæpast af þessum heimi; sannkallaðir púlsmenn.
Þessir vösku menn hvolfdu úr pokunum niður í kjallara hjá okkur í Ránargötu 16 þar sem kolaofninn beið þyrstur eftir meiri kolum til að brenna og veita hlýju og yl í húsið okkar góða. Fyrr en varði var tími kolakyndinga liðinn því ný tækni og aðgengilegri hafði haslað sér völl. Fyrirtæki í bænum fóru að flytja inn olíu í stórum stíl og boðuðu nýja og betri tíma. Upp risu stærðarinnar olíutankar með ströndum Oddeyrarinnar frá ESSO, BP og Shell og þá eignaðist Akureyri sína olíufursta í stað kolakaupmanna. Það þótti strax betra að lúta furstum en kaupmönnum.
Karl faðir minn tók þessum tíðindum fagnandi og smíðaði sjálfur olíukyndingu fyrir okkur enda dverghagur járnsmiður. Setti nýju kyndinguna svo haganlega inn í gamla kolaofninn og tengdi með leiðslu við nýja olíutankinn austan hússins. Og sjá - undravökvinn seytlaði inn í tækið og það logaði af kurteisi og staðfestu og það sem meira var: Ekkert þurfti að hreinsa út og bæta á sí og æ eins og í kolakyndingunni. Það sem skipti þó mestu máli var að nýja tækið hitaði allt upp og við vorum viss um að ekki yrði komist lengra í þessum efnum. Fullkomnuninni hefði verið náð. Þá kom olíukreppan; olíuprísarnir ruku upp úr öllu valdi og ekki við neitt ráðið. En eins og svo oft áður hafa kreppur og mótlæti oft leitt til nýrra og óvæntra lausna. Þegar öll sund virtust lokuð og ekki annað sýnna en hverfa þyrfti aftur til kolanna var bent á að hugsanlega væri hægt að feta sömu braut og þeir fyrir sunnan höfðu farið. Þeir boruðu einfaldlega ofan í fósturjörðina og gátu þannig náð upp heitu vatni sem streymdi nú um flest hús á þeim slóðum.
Eftir mikið japl, jaml og fuður var farið inn í fjörð og málið leyst með því að leggja þaðan hitavatnsleiðslu til bæjarins og hleypa svo á. Þar með hófst þriðja hitunartímabilið á einni mannsævi; með því voru öll kolafjöll, allur kolaburður og olíusukk úr sögunni. Segið svo að heimurinn fari ekki sífellt batnandi!
Ingólfur Sverrisson
Nýjast
-
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns.
