Þakklát fyrir góð viðbrögð við blóðsöfnun
„Viðtökur við aukaopnun voru mjög góðar, við fengum til okkar bæði virka blóðgjafa sem og nýja sem vildu leggja okkur lið. Við erum óendanlega þakklát fyrir góð viðbrögð, en betur má ef duga skal,“ segir Birgitta Hafsteinsdóttir hjúkrunarfræðingur hjá Blóðbankanum, en þau boð gengu út í liðinni viku að blóðgjafa vantaði því öryggisbirgðir Blóðbankans væru fremur litlar um þessar mundir.
Birgitta segir blóðgjafa norðan heiða hafa verið mjög öfluga síðustu misseri og góður árangur náðst í blóðsöfnun á Akureyri eftir að ný og betri aðstaða var opnuð á Glerártorgi árið 2018. „Aðstaðan þar er öll til fyrirmyndar og ættu að gera Norðlendinga stolta,“ segir hún.
Mikil notkun á blóðhluta undanfarið hefur valdið skorti á blóði, en Birgitta segir að Blóðbankinn ítreki að allir sem á þurfa að halda hafi fengið blóðhluta. „Lagerstaðan snýst um að eiga öryggisbirgðir til að bregðast við óvæntum uppákomum þegar nokkrir einstaklingar þurfa mikið magn blóðhluta á skömmum tíma,“ segir hún.
Ekki hægt að tryggja fjarlægðarmörk í Blóðbílnum
Blóðbíllinn svonefndi sem fór á milli staða og fólki bauðst að koma í og gefa blóð, hefur ekki verið á ferðinni undanfarið og segir Birgitta að ekki hafa verið hægt að tryggja tilskilin fjarlægðarmörk vegna kórónuveiru í bílnum. „Við höfum hvatt blóðgjafa sem búa í nágrenni Akureyrar að koma við hjá okkur þegar þeir eiga leið um Glerártorg,“ segir hún.
Eftir að Blóðbankinn flutti starfsemi sína á Glerártorg hefur söfnun aukist, farið úr 31 einingu á viku í nóvember árið 2018 í 44 einingar miðað við byrjun nóvembermánaðar nú.
/MÞÞ
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
