Sýning í Mjólkurbúðinni Þessir helvítis fordómar
„Þessir helvítis fordómar. Af hverju valdi ég þetta viðfangsefni? Af því ég er miðaldra kelling og enn þá að læra,“ segir Anna María Hjálmarsdóttir sem opnar á morgun fimmtudaginn 14. september sýningu í Mjólkurbúðinni. Bæði er um að ræða málverk og ljósmyndir.
„Það sem ég sagði á mínum yngri árum myndi ég aldrei segja, eða hreinlega hugsa, í dag og sýnir það þróun í góða átt. Ég held samt að ég hafi verið minn versti óvinur á þessu sviði því ég hef alloft verið á þeim stað í lífinu að ég hafi upplifað fordóma og verið þar sjálfri mér verst,“ segir hún og nefnir að í eina tíð hafi hún verið of stór, einstæð móðir og átti fleiri en einn barnsföður, öryrki og þá hafi hún upplifað kynferðisofbeldi sem hún opnaði opinberlega á þegar árið 1998. „Ég hef alveg um tíðina fundið fyrir fordómum og það hefur verið að nógu að taka, en það var líka ansi erfitt að upplifa að ég sjálf var bara með fullt af fordómum,“ segir hún
Að velja myndefni gagnvart fordómum hefði því verið hollt verkefni og fróðlegt, „en stundum alveg óskiljanlegt að enn séu fordómar gagnvart því sem mér þykir svo eðlilegt. Ég valdi staðalímyndir um algenga og sjáanlega fordóma en það eru ótal aðrir fordómar sem sjást ekki í þessari sýningu,“ segir Anna María.
Upplifði kærleika og hamingju
Mögulega hef ég framhaldssýningu um fordóma eða læri um eitthvað nýtt. Hver og einn á trúlega eftir að sjá mismunandi hluti út úr myndunum mínum, en á sýningunni er ég með bæði ljósmyndir og málverk. „Ég var svo heppin að fá að fara með vini mínum, sem er trans, í brjóstnáms aðgerð og fékk ég þann heiður að fá að mynda allt ferlið. Ég upplifði kærleika og hamingju við að fá að fylgja því ferli og hugmyndin að þessari sýningu þróaðist út frá þeirri upplifun,“ segir hún. „Þetta var mjög lærdómsríkt ferli fyrir mig og kenndi mér margt, m.a sitthvað um mína eigin fordóma.
Anna María Hjálmarsdóttir, Geðþáttafulltrúi með meiru, útskrifaðist úr Myndlistarskóla Akureyrar 2021. Þar áður var hún nemandi i Símey og tók hún námskeið hjá Erni Inga.
Þetta önnur sýningin sem hún heldur ein, en hefur margoft haldið sýningar með öðrum listamönnum. Hún er meðal annars meðlimur í "Gellur sem mála í bílskúr".
Sýningin opnar í dag, fimmtudaginn 14. september kl. 14 og verður opin eftir geðþáttaákvörðunum Önnu Maríu, til 26. september.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
