Sýning á Glerártorgi, gjafir til félagasamtaka og bók um sögu félagsins
Félag verslunar- og skrifstofufólks Akureyri og nágrenni (FVSA) fagnar 90 ára afmæli sínu í ár en félagið var stofnað 2. nóvember 1930. Af því tilefni færði FVSA þrennum félagasamtökum veglegar gjafir í fyrir skemmstu, efnir til sögusýningar á Glerártorgi og gefur út bók um sögu félagsins 1930-2020.
Eiður Stefánsson, formaður FVSA og Anna María Elíasdóttir varaformaður færðu þrennum félagasamtökum á Akureyri veglegar gjafir fyrir hönd félagsins. Mæðrastyrksnefnd Akureyrar, Krabbameinsfélag Akureyrar og nágrennis og Kvennaathvarf Akureyrar hlutu hvert um sig eina milljón króna að gjöf frá félaginu. Við afhendinguna þökkuðu Eiður og Anna viðtakendunum fyrir frábært starf og óskuðu þeim alls velfarnaðar.
Sögusýning á Glerártorgi
Föstudaginn 30. október var formlega opnuð sýning í verslunarmiðstöðinni Glerártorgi á Akureyri. Þar er varpað upp svipmyndum úr sögu félagsins í máli og myndum. Að auki eru ýmsir munir til sýnis sem yngri kynslóðir kunna að hafa heyrt um en aldrei séð með berum augum… Sýningin verður opin næstu fjórar vikur. Gestir eru hvattir til að taka þátt í spurningaleik sem tengist sýningunni og eru veglegir vinningar í boði.
„Sækjum við að settu marki“
Þessa dagana er verið að leggja síðustu hönd á bók sem hefur að geyma 90 ára sögu félagsins. Hún ber yfirskriftina „Sækjum við að settu marki“ en það er tilvísun í ljóð eftir Heiðrek Guðmundsson, skáld og kaupsýslumann, sem gegndi formennsku í félaginu um skamma hríð á liðinni öld. Jón Þ. Þór sagnfræðingur ritar söguna og Bragi V. Bergmann almannatengill ritar viðauka sem ber yfirskriftina „Stökk inn í stafræna öld“. Bókin verður öllum aðgengileg á vefsíðu félagsins, bæði í rafrænu formi og sem hljóðbók, innan fárra vikna.
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
