„Sýna gróskuna og tækifærin sem svo sannarlega eru til staðar hér á Norðurlandi“
Nýsköpunarhreyfingin Norðanátt stendur fyrir fjárfestahátíð á Siglufirði 31. mars næstkomandi þar sem fjárfestum og frumkvöðlum verður boðið upp á ógleymanlegan dag. Á hátíðinni kynna frumkvöðlar af Norðurlandi verkefni sín sem snerta orkuskipti, hringrásarhagkerfið eða fullnýtingu auðlinda í takt við áherslur Norðanáttar; matur, orka, vatn.
Norðanátt er öflugt samstarf aðila á Norðurlandi og vinnur hópurinn í anda nýrrar klasastefnu, þvert á stofnanir samfélagsins og hraðar framþróun og nýsköpun. Að verkefninu koma Eimur, SSNE, SSNV, Nýsköpun í norðri og Hraðið á Húsavík auk samstarfs við stuðningsfyrirtækið RATA.
Sesselja Ingibjörg Barðdal Reynisdóttir, framkvæmdastjóri Eims segir í samtali við Vikublaðið að markmið samstarfsins sé að skapa vettvang á Norðurlandi með því að leiða saman frumkvöðla og fjárfesta. „Á hátíðinni fáum við vettvang til að sýna gróskuna og öll tækifærin sem svo sannarlega eru til staðar hér á Norðurlandi,“ segir hún.
Norðanátt stendur fyrir viðburðum sem styðja við frumkvöðla með hugmyndir á ólíkum stigum. Fyrsti viðburðurinn var lausnamótið Hacking Norðurland sem haldið var í apríl 2021. Því næst fór af stað viðskiptahraðallinn Vaxtarrými síðasta haust þar sem 8 teymi fengu stuðning til að vaxa í 8 vikur. „Nú er komið að stefnumóti á Siglufirði þar sem fjárfestar og frumkvöðlar koma saman og kynnast öflugri nýsköpun og fjárfestingartækifærum á svæðinu. Viðburðurinn er lokaður og eingöngu ætlaður fjárfestum sem horfa til landsbyggðarinnar sem ákjósanlegs fjárfestingakosts,“ segir Sesselja og bætir við að þetta sé í fyrsta sinn sem svona fjárfestahátíð er haldin á landsbyggðinni.
Lokahnykkur hringrásarinnar
„Nú erum við að enda hringrásina með þessari fjárfestahátíð. Hér erum við með aðila sem eru komin lengst með sínar hugmyndir, vita hvað þau eru að fara biðja um og vantar bara fjármagnið,“ útskýrir Sesselja en hún var nýverið í Cannes í Frakklandi á stærstu fjárfestahátíð heims. „Þar vorum við að undirbúa þessa hátíð hér heima og vorum í raun að bjóða erlendum fjárfestum að vera með okkur á næsta ári. Í ár erum við með íslenska fjárfesta eingöngu en það eru komin mjög stór nöfn á blað.“
Alls 10 aðilar frá Norðurlandi munu kynna verkefni sín fyrir fjárfestum en þar er fjölbreytni í fyrirrúmi. Allt frá einstaklingum sem ætla að framleiða vetni, rafhlöðuframleiðsla, orkuskipti, Mýsköpun, Þörungaframleiðsla, hampframleiðsla, og ýmislegt fleira.
Þá hafa þrír ráðherrar boðað komu sína á hátíðina, þau Katrín Jakobsdóttir, forsætisráðherra, Áslaug Arna Sigurbjörnsdóttir - ráðherra háskóla, iðnaðar og nýsköpunar og Guðlaugur Þór Þórðarson - umhverfis-, orku-, og loftslagsráðherra.
Dagskrá hátíðarinnar hefst klukkan 10 með ráðstefnu um nýtingu auðlinda og nýsköpunar. Eftir hádegishlé munu frumkvöðlarnir 10 kynna verkefni sín fyrir fjárfestum. Að því loknu hefst skipulögð afþreying þar sem boðið verður upp á skíði, yoga og fleira. Hátíðinni líkur svo með kokteilboði um kvöldið á Segli 67 Brugghúsi.
Fréttin hefur verið uppfærð:
Áður var sagt að tveir ráðherrar hafi boðað komu sína á hátíðina en hið rétta er að þeir eru þrír og hefur Katrínu Jakobsdóttur verið bætt við til samræmis við það.
Nýjast
-
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu. -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin.
