Svifryk ítrekað margfalt yfir því sem telja má eðlilegt og heilsusamlegt
Heilbrigðisnefnd Norðurlands eystra átelur sinnuleysi bæjaryfirvalda á Akureyri gagnvart svifryksvanda sem er verulegur og alvarlegur á Akureyri.
Bæjarráð Akureyrar fjallað um bókun sem nefndin gerði vegna svifryk á fundi í morgun, tekur hana alvarlega og leggur áherslu á að brugðist sé við þeim.
Bæjarráð telur mikilvægt að bæta við áreiðanlegum svifryksmælum og flýta endurskoðun á verklagsreglum vegna loftmengunar segir í bókun ráðsins en málinu var vísað áfram til umhverfis- og mannvirkjasviðs.
Heilbrigðisnefndin fjallaði um málið á fundi í nóvember en hafði einnig farið yfir svifryksmálin á fundi fyrr um haustið og þá bent á að nú færi sá tími í hönd að búast mætti við að styrkur svifryks færi yfir viðmiðunarmörk. Því væri mikilvægt að ljúka uppsetningu á nýjum loftgæðamælum og endurskoðun verklagsreglna gegn svifryki. Hvorugu verkefnanna er lokið en á haustdögum hefur svifryk ítrekað fari yfir viðmiðunarmörk.
Í bókun Heilbrigðisnefndar er bent á að eini mælirinn sem nú er virkur hafi sýnt tölur yfir 500 µg/m³ sem er margfalt yfir því sem hægt er að telja eðlilegt og heilsusamlegt.
Mikilvægt að taka málið föstum tökum og ráðast gegn rótum vandans
„Þetta er í raun óboðlegt ástand og mikilvægt að það sé tekið föstum tökum og ráðist gegn rótum vandans. Tafir hafa orðið á endurskoðun verklagsreglna gegn svifryki og yfirtaka Vegagerðarinnar á vetrarþjónustu hefur aukið óvissu um hver ber ábyrgð á aðgerðum gegn svifryki s.s. hreinsun gatna á tilteknum svæðum,“ segir í bókun nefndarinnar.
Þá bendi margt til þess að lofgæðamælar sem settir voru upp í ársbyrjun gagnist ekki til að mæla styrk svifryks og gögn úr þeim verða því ekki birt á loftgæðavef Umhverfisstofnunnar.
Heilbrigðisnefnd gerir þá kröfu að Akureyrarbær og Vegagerðin ljúki vinnu við verklagsreglur gegn svifryki og hefji vinnu samkvæmt þeim án frekari tafa. Jafnframt óskar nefndin eftir upplýsingum um til hvaða aðgerða Akureyrarbær hyggst grípa varðandi mælingar á svifryki í ljósi frétta um að gögn úr nýlega uppsettum loftgæðamælum muni ekki verða birt á loftgæðavef Umhverfisstofnunnar.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
