13.nóvember - 20.nóvember - Tbl 46
Svæfingar í þingsal
Einar Brynjólfsson.
Ég hef oft heyrt fólk fárast yfir því að Alþingi sé óskilvirkt. Þar sé hver höndin upp á móti annarri og að minnihluti Alþingis, þ.e. stjórnarandstaðan, sé máttlaus og komi fáum málum í gegn. Vitiði, það er einfaldlega hárrétt að mörgu leyti.
Á 146. löggjafarþingi á árunum 2016-17 (sem undirritaður sat á sínum tíma) lögðu þingmenn stjórnarandstöðunnar fram 43 lagafrumvörp. Einungis eitt þessara frumvarpa var afgreitt sem lög frá Alþingi - og það var reyndar eina frumvarpið sem komst yfirleitt til lokaatkvæðagreiðslu í þingsal. Með öðrum orðum: 97,7% allra frumvarpa sem þingmenn stjórnarandstöðunnar mæltu fyrir voru „svæfð“ í nefnd, þ.e. voru stöðvuð einhvers staðar á leiðinni.
Það er áhugavert að 24 frumvörp af þeim 42 sem voru svæfð voru ekki ný af nálinni heldur höfðu þau verið lögð fram áður, sum hver allt að fimmtán sinnum. Alltaf voru þau svæfð svefninum langa. Þetta er auðvitað ekkert annað en óþolandi yfirgangur af hálfu stjórnarmeirihluta Alþingis og bjögun á lýðræðinu.
Aftur og aftur
Eins og málum er háttað núna falla lagafrumvörp niður við lok hvers löggjafarþings, að vori og um jól. Það leiðir til þess að þingmenn verða að leggja frumvörp sín fram á nýjan leik, aftur og aftur, svo þau falli ekki í gleymskunnar dá. Þetta er vont fyrirkomulag, enda gefur það formönnum nefnda og meirihluta nefnda Alþingis færi á að stöðva öll frumvörp sem þeim líst illa á og koma þar með í veg fyrir að þau fái eðlilega þinglega meðferð og komi til atkvæðagreiðslu í þingsal.
Þetta leiðir til þess að umsagnaraðilar þurfa að senda umsagnir um sömu þingmálin hvað eftir annað, sömu gestirnir mæta á fundi fastanefnda Alþingis til að ræða sömu þingmálin aftur og aftur, svara sömu spurningum frá sömu þingmönnum aftur og aftur. Alltaf skal byrjað frá grunni.
Það má líka benda á að þetta virðist hafa verið viðurkennt vinnulag Alþingis alla tíð. Það er alveg sama hvað flokkar mynda meirihluta, alltaf skal þessi aðferð viðhöfð. „Það er gott að geta svæft demonísk mál í nefnd,“ var einu sinni sagt við mig þegar ég sat á Alþingi. Þetta er sorglegt viðhorf en mjög einkennandi fyrir það hvernig kaupin gerast á eyrinni.
Einfalt Píratamál lagar þetta
Þó ofangreindar tölur eigi einungis við um eitt tiltekið löggjafarþing, sem hófst reyndar óvenju seint, má fullyrða að sambærilegar tölur eigi við um flest önnur löggjafarþing, bæði fyrr og síðar. Þingmál minnihlutans mæta alltaf afgangi og komast einna helst að þegar samningar um þinglok um jól og að vori fara fram.
Þessu má breyta, þessu ætti auðvitað að breyta. Það hlýtur að vera í hæsta máta óeðlilegt að stjórnarmeirhluti, sem oftar en ekki er mjög naumur, neiti næstum því öllum málum, sem frá þingmönnum stjórnarandstöðunnar koma, um þá þinglegu meðferð sem kveðið er á um í stjórnarskrá og lögum um þingsköp Alþingis.
Píratar hafa í þrígang lagt fram lagafrumvarp sem ætlað er að bæta úr þessu, þ.e. að mál falli ekki niður að loknu hverju löggjafarþingi, eins og nú er, heldur einungis í lok hvers kjörtímabils. Auk þess er gerð sú krafa að þingnefndir skili af sér nefndaráliti um öll frumvörp, þannig að hægt verði að taka þau til áframhaldandi umfjöllunar og lokaatkvæðagreiðslu í þingsal. Það þarf kannski ekki að koma á óvart að þetta frumvarp okkar Pírata hefur alltaf verið svæft svefninum langa.
-Höfundur er oddviti Pírata í Norðausturkjördæmi við Alþingiskosningarnar þann 25. september nk.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
