4. sept - 11. sept - Tbl 36
Stór stund á Akureyrarflugvelli á morgun
Frá því er sagt á Facebooksíðu Akureyrarflugvallar í kvöld að í fyrramálið verði í fysta sinn notuð nýja viðbyggingin við flugstöðina þegar farþegar Transavia og easyJet muni víga hluta af þeirri glæsilegu aðstöðu sem verið sé að klára.
Mikið hefur gengið á í þessari viku og margir lagt sín lóð á vogarskálarnar til þess að þetta verði gerlegt, en segja má að með þessu sé fyrsta áfanga verksins lokið.
,,Í júlí lýkur áfanga tvö í stækkun flugstöðvarinnar þegar nýr innritunarsalur verður tekinn í notkun en þá mun allt millilandaflug fara í gegnum viðbygginguna" segir orðrétt í frétt á áður nefndri Facebooksíðu.
Því má bæta við að í desember n.k verða 70 ár liðin frá þvi að Akureyrarflugvöllur var tekinn í notkun og því vel við hæfi að hressa uppá þennan farsæla flugvöll.
Athugasemdir