Stjórnsýslubreytingar taka gildi um áramót
Bæjarstjórn samþykkti á fundi sínum á þriðjudaginn stjórnsýslubreytingar sem áður voru til umfjöllunar hjá bæjarstjórn og samþykktar þann 15. júní sl. Þetta kemur fram í tilkynningu.
Að þessu sinni var lögð fram ítarleg greinargerð um breytingarnar framundan, sem eru þær helstar að sviðum fækkar um eitt þegar samfélagssvið verður lagt niður. Verkefni þess færast annars vegar á fræðslu- og lýðheilsusvið og hins vegar á þjónustu- og skipulagssvið. Hið síðarnefnda er nýtt stoðsvið sem annast verkefni skipulags- og byggingarmála, atvinnu-, markaðs- og menningarmála, og þjónustu og þróunar. Með þjónustu og þróun er m.a. átt við aukna áherslu á stafræna þjónustu, sem og þjónustuver, skjalasafn, rafræna stjórnsýslu og ýmis önnur þjónustu- og nýsköpunarverkefni sem ganga þvert á svið sveitarfélagsins. Þessi verkefni voru áður á stjórnsýslusviði sem verður nú mannauðssvið og munu verkefni þess snúa að launa- og mannauðsmálum.
Hlíðarfjall flyst undir umhverfis- og mannvirkjasvið en rekstur þess verður á forræði bæjarráðs. Breytingar á öðrum sviðum verða minniháttar eða engar, t.a.m. á velferðarsviði og fjársýslusviði.
Frístundaráð verður lagt niður í núverandi mynd, sem og stjórn Akureyrarstofu. Málefni stjórnar Akureyrarstofu færast til bæjarráðs og til verður fræðslu- og lýðheilsuráð. Bæjarstjórn samþykkti á fundinum skipan í þá nefnd.
Stjórnsýslubreytingarnar taka mið af samstarfssáttmála bæjarstjórnar frá 22. september 2020 þar sem kemur fram að einfalda skuli stjórnsýsluna og sameina svið. Með þeim hætti, ásamt innleiðingu stafrænna lausna, er ætlunin að ná fram hagræðingu og bæta þjónustuna með notendamiðaðri nálgun.
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
