13.nóvember - 20.nóvember - Tbl 46
Stjórnsýslubreytingar á Akureyri
Akureyri. Ljósmynd/Þorgeir Baldursson.
Bæjarstjórn Akureyrar samþykkti í vikunni tillögu að stjórnsýslubreytingum sem taka gildi um næstu áramót. Á vef bæjarins segir að breytingarnar séu hluti af áherslum í samstarfssáttmála bæjarstjórnar þar sem m.a. kemur fram að stjórnsýsla sveitarfélagsins verði einfölduð og svið sameinuð.
Breytingarnar fela í sér að sviðum verður fækkað um eitt og verða frá og með 1. janúar 2022 þessi:
- Fjársýslusvið
- Fræðslu- og lýðheilsusvið
- Mannauðssvið
- Umhverfis- og mannvirkjasvið
- Velferðarsvið
- Þjónustu- og skipulagssvið
Samfélagssvið verður lagt niður og munu verkefni þess deilast niður á fræðslusvið, sem þar eftir heitir fræðslu- og lýðheilsusvið, velferðarsvið og nýtt þjónustu- og skipulagssvið. Stjórnsýslusvið verður lagt niður og skiptast verkefni þess niður á mannauðssvið og þjónustu- og skipulagssvið. Skipulagssvið verður lagt niður sem sjálfstætt svið og verður hluti af nýju þjónustu- og skipulagssviði. Starf sviðsstjóra á þessu nýja sviði verður auglýst laust til umsóknar.
Akureyrarstofa lögð niður
Á þjónustu- og skipulagssviði verða ákveðnir þættir innri og ytri þjónustu við íbúa færðir saman á eitt svið með áherslu á aukna stafræna innleiðingu og þjónustu. Staðsetning skipulagsmála á þessu nýja sviði byggir á þeirri hugmynd að skipulagsmál séu í eðli sínu fyrst og fremst þjónusta við bæjarbúa. Akureyrarstofa í þeirri mynd sem hún er í dag verður lögð niður en verkefni hennar færast til hins nýja þjónustu- og skipulagssviðs. Sameining upplýsingagjafar, atvinnumála og skipulags undir eitt svið gefur einstakt tækifæri til þess að horfa á skipulagsmálin til framtíðar, uppbyggingu og framþróun Akureyrar.
Samhliða stjórnsýslubreytingunum verður kjörnum ráðum og nefndum sveitarfélagsins breytt. Frístundaráð og stjórn Akureyrarstofu verða lögð niður. Málefni frístundaráðs færast til fræðslu- og lýðheilsuráðs en málefni stjórnar Akureyrarstofu til bæjarráðs.
Lækka þarf launakostnað
Í samstarfssáttmála bæjarstjórnar kemur fram að stefnt verði að sjálfbærum rekstri með ýmsum leiðum og eru stjórnsýslubreytingarnar hluti af þeirri vegferð. Markmiði um lækkun kostnaðar verður m.a. náð með því að einblína á lögbundin verkefni og leggja enn frekari áherslu á innleiðingu rafrænnar stjórnsýslu. Einnig liggur fyrir að lækka þarf launakostnað innan sveitarfélagsins.
Bæjarfulltrúarnir Halla Björk Reynisdóttir, Guðmundur Baldvin Guðmundsson og Hlynur Jóhannsson unnu að tillögunum í samvinnu við fulltrúa ráðgjafafyrirtækisins Strategíu ásamt bæjarstjóra og aðstoðarmanni bæjarstjóra en nýtt skipurit byggir m.a. á samtölum ráðgjafanna við sviðsstjóra og forstöðumenn.
Nýjast
-
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins.
