13.nóvember - 20.nóvember - Tbl 46
Stærsti vatnstankur Norðurorku þrifinn
Það verður því ekki vatnslaust á Akureyri þrátt fyrir að tankurinn sé tæmdur í ákveðinn tíma heldur er dæling frá Vöglum í Hörgárdal aukin á meðan. Mynd á vef Norðurorku
Eitt af verkefnum Norðurorku er að tryggja nægilegt magn af hreinu og góðu neysluvatni til einstaklinga og fyrirtækja á veitusvæðinu. Stærsti hluti neysluvatns bæjarbúa á Akureyri kemur úr Hlíðarfjalli, úr Sellandslindum og Hesjuvallalindum sem staðsettar eru sínhvoru megin við skíðasvæðið. Vatnið er leitt úr fjallinu og niður í tanka við Rangárvelli. Þar eru tankarnir þrír og allir eru þeir neðanjarðar. Stærsti tankurinn er 4.000 m3 en hinir tveir 500 m3 hvor.
Kalda vatnið er skilgreint sem matvæli í reglugerð og því eru gerðar ákveðnar kröfur um tíðni og verklag í sambandi við þrif á tönkunum sem er einmitt eitt af fjölmörgum viðhaldsverkefnum þegar kemur að vatnsveitunni. Tíðni þrifa á vatnstönkum Norðurorku fer m.a. eftir stærð tanka en tankarnir á Rangárvöllum eru þrifnir annað hvert ár. Stóri tankurinn á Rangárvöllum þrifinn í gær.
Þrifin taka 4 til 5 tíma
Starfsfólk sem fer ofan í tankinn er í göllum og stígvélum sem einungis eru notuð í þessum tilgangi og er búnaðurinn þrifinn eftir kúnstarinnar reglum. Auk þess sem gríma er notuð ofan í tankinum. Norðurorka hefur þessu til viðbótar sett ákveðnar reglur í kringum þrifin og þá ekki síður með öryggi starfsfólks í huga. Á meðan fólk er ofan í tankinum er gálgi staðsettur fyrir ofan mannop og þar stendur alltaf einn starfsmaður vaktina. Starfsfólk sem fer ofan í tankinn er klætt í öryggisbelti sem hægt er að krækja í og hífa upp, ef starfsmaður getur t.d. af einhverjum ástæðum ekki komið sér upp sjálfur. Þrifin taka að jafnaði um 4-5 klst.
Auk þess að fá kalda vatnið úr Hlíðarfjalli þá fá Akureyringar einnig vatn frá Vöglum í Hörgárdal þaðan sem því er dælt. Það verður því ekki vatnslaust á Akureyri þrátt fyrir að tankurinn sé tæmdur í ákveðinn tíma heldur er dæling frá Vöglum aukin á meðan.
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
