20. nóvember - 27. nóvember - Tbl 47
Smáhýsi fyrir heimilislausa reist við Norðurtanga
Skipulagsráð Akureyrarbæjar hefur samþykkt að veita vesturhluta lóðarinnar númer sjö við Norðurtanga til að reisa smáhýsi, tímabundið til tveggja ára til að leysa búsetuúrræði fyrir heimilislausa.
Skipulagsráð Akureyrarbæjar hefur samþykkt að veita vesturhluta lóðarinnar númer sjö við Norðurtanga til að reisa smáhýsi, tímabundið til tveggja ára til að leysa búsetuúrræði fyrir heimilislausa.Erindið barst í janúar síðastliðnum en ákvörðun þá frestað. Lóðinni hefur nú verið úthlutað.
Á fundi skipulagsráðs á dögunum var samþykkt að samhliða því að reyna smáhýsin við Norðurtanga verði sett í gang vinna um varanleg búsetuúrræði fyrir heimilislausa einstaklinga í bænum í samvinnu skipulagssviðs og búsetusviðs. Jafnframt var því beint til sviðsstjóra skipulagssviðs að hafa frumkvæði að þeirra vinnu.
Krafa um að húsin víki innan tveggja ára
Þrír fulltrúar minnihlutans í skipulagsráði, frá Samfylkingu, Vinstri Grænum og Sjálfstæðisflokki lögðu fram bókun þar sem segir að úrræði á borð við þetta sé algjört neyðarbrauð í ljósi þeirrar aðstöðu sem upp er komin. „Jaðarsetning fólks sem stendur höllum fæti í okkar samfélagi er aldrei æskileg og ýtir undir vanda þeirra,“ segir í bókuninni. Tímabundið samþykkja þremenningarnir í minnihlutanum þó þessa staðsetningu smáhýsanna, með þeirri kröfu að þau víki innan tveggja ára og verði hluti af uppbyggingu íbúðarsvæða sem fyrirhuguð er um allt bæjarlandið.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
