Slökkviliðs Akureyrar - Þegar hefur verið farið í yfir 50 sjúkraflug á fyrstu dögum ársins
Starfsemi Slökkvilið Akureyrar hefur aukist undanfarin ár og segir Gestur Þór Guðmundsson slökkviliðs- og sjúkraflutningamaður að það megi m.a. rekja til aukins íbúafjölda og einnig hafi fleiri ferðamenn viðkomu á Akureyri sem og sinni liðið fleiri verkefnum utan bæjarins.
Á liðnu ári voru útköll slökkvilið alls 119 talsins, heldur færri en árið á undan þegar þau voru 143, en útköll voru t.d. vegna elds eða vatnsleka. Útköllum sjúkrabíla fjölgaði talsvert á milli ári, þau voru 2256 árið 2021 en 3063 í fyrra. Þá varð einnig umtalsverð aukning í sjúkraflugi, en í fyrra urðu þau 891 með alls 934 sjúklinga. Árið á undan voru sjúkraflug 807 talsins með 839 sjúklinga. Gestur Þór segir vekja athygli hversu mikil aukning sé í sjúkraflug, en sem dæmi þá hefur þegar verið farið í yfir 50 sjúkraflug á fyrstu dögum ársins.
Nú starfa um 34 einstaklingar hjá slökkviliðinu þar sem sinnt er sjúkraflutningum, slökkvistarfi ásamt því að tvær sjúkraflugvélar eru á Akureyrar sem Slökkviliðið sér um að manna, auk lækna þegar þarf. Báðar eru sérútbúnar og geta hvor um sig tekið tvo liggjandi sjúklinga. „Það má segja að þessar vélar séu eins og lítill spítali með vængi,“ segir hann.
Mikill metnaður
„Slökkvilið Akureyrar hefur lagt mikinn metnað í aðkomu sinni að sjúkraflugi. Meðal annars er sett aukin menntunar- og reynslukrafa gagnavart starfsmönnum sem sinna sjúkraflugi. Sú menntun og reynsla inniheldur m.a. sérhæfðari inngrip og þjónustu við bráðveika sjúklinga í teymisvinnu með svæfingarlæknum. Í alvarlegri útköllum eru sendir einstaklingar sem sótt hafa menntun erlendis, bráðatæknar, ásamt svæfingarlækni,“ segir Gestur Þór.Almennt starfsvæði Slökkvilið Akureyrar í sjúkrafluttningum er Eyjafjarðarsveit, Akureyri, Grenivík , Svalbarðseyri og Hörgársveit, ásamt hluta Þingeyjarsveitar.
„Í slökkvistarfi störfum við á sömu svæðum, ásamt því að koma til aðstoðar við önnur slökkvilið í okkar nærumhverfi,“ segir Gestur. Upptökusvæði sjúkraflugsins er allt Ísland. Auk þess fara starfsmenn í sjúkraflug til nærþjóða okkar t.d.til Grænlands,– Danmerkur eða Svíþjóðar.
Hann segir ávallt horft fram á veginn hjá Slökkviliði Akureyrar og hvort bæta megi á einhvern hátt fagþjónustu sem sinnt er. Starfsmenn SA hafa mismunandi menntun að baki og þeir hafa einnig sótt sér menntum af ýmsu tagi til viðbótar. Nú stendur yfir vinna við endurskoðun á því námi sem snýst um slökkviþátt starfsins og er leiðir HMS þá vinnu.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
