13.nóvember - 20.nóvember - Tbl 46
Slökkvibíllinn í Grímsey er fjörgamall
Sjúkrabíllin sem fluttur var út í Grímsey árið 2017 hentar illa í flest útköll í eynni.
Mynd: Slökkvilið Akureyrar/Facebook
Grímseyingar hafa vakið máls á því að þörf væri á því að nýir sjúkra- og slökkvibílar væru til taks í eyjunni. Slökkvibíllinn sem til staðar er í eynni er fjörgamall og ætti að vera á safni og sjúkrabílinn hentar ekki, flest slysanna verða utan alfaraleiðar og nýtist bílinn því sjaldnast.
Karen Nótt Halldórsdóttir formaður hverfisráðs Grímseyjar segist ekki vita hvert ártalið er á slökkvibíl Grímseyinga, en líkast til sé hann frá miðri síðustu öld. „Mér finnst líklegt að hann hafi komið hingað notaður frá Bretlandi, bílstjórasætið í honum er hægra megin,“ segir hún. Einn slökkvibíll er staðsettur á flugvellinum og er hann á vegum Isavia. „Við fórum að velta fyrir okkur þörfinni á nýjum bíl þegar kirkjubruninn varð í haust, en það var fyrsti eldsvoði sem hér hefur orðið í fjöldamörg ár,“ segir Karen.
Flest slysanna verða utan alfaraleiðar
Sjúkrabílinn kom fyrir nokkrum árum til Grímseyjar en áður hafði ekki verið slíkur bíll til taks í eynni. „Það er bara því miður þannig að þegar á sjúkrabíl þarf að halda t.d. vegna slysa eða veikinda sem verða utan almenna vegakerfisins hér, t.d. norður á eyjafæti eða hér og hvar um Grímsey, kemst bílinn ekki á vettvang. Þetta er hefðbundinn bíll sem kemst ekkert út fyrir vegina. Í flestum tilvikum hafa því verið notaðir jeppar í einkaeigu sem hægt er að aka eftir slóðum utan veganna. Slysin verða flest utan við þorpið sjálft og því finnum við fyrir því að hafa ekki til reiðu bíl sem útbúinn er fyrir slíkar aðstæður,“ segir Karen Nótt.
/MÞÞ
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
