Slæmt ástand og umgengni varað alltof lengi og verður að linna
Umgengni á og við Hamragerði 15 á Akureyri, umgengni við Setberg á Svalbarðsströnd og númerslausir bílar innanbæjar á Akureyri og víðar hefur margoft komið til kasta Heilbrigðiseftirlits Norðurlands, en þetta þrennt tengist allt einu og sama fyrirtækinu. Bílar í ýmsu ástandi eru fyrirferðarmiklir á báðum stöðum.
„Ástandið hefur varað í mörg ár og lagast því miður lítið. Þetta hefur í för með sér mikla vinnu með tilheyrandi kostnaði bæði fyrir heilbrigðiseftirlitið, og ekki síður viðkomandi sveitarfélög. Þá eru ótalin öll þau óþægindi og ónæði sem nágrannar og hinn almenni borgari hefur af þessu ástandi sem hefur varað alltof lengi og verður að fara að linna,“ segir Leifur Þorkelsson framkvæmdastjóri Heilbrigðiseftirlits Norðurlands.
Áform um tiltekt stóðst ekki
Í byrjun desember síðastliðinn óskaði lóðarhafi við Hamragerði 15 eftir því að álagðar dagsektir yrðu felldar niður þar sem til stæði að taka til á lóðinni fyrir miðjan mánuðinn. Á fundi Heilbrigðisnefndar þann 5. desember fagnaði nefndin áformum um tiltekt á lóðinni en taldi ekki ástæðu til þess að taka beiðni um niðurfellingu dagseta til umfjöllunar að svo stöddu. Leifur segir að síðar hafi komið í ljós að áformin gengu ekki eftir. Álagning dagsekta heldur því áfram.
Númerslausir bílar dúkka upp
Yfir á Setbergi er ástandið óbreytt og þar hafa dagsektir verið lagðar á síðan í lok október. Forsvarmenn Auto ehf. hafa kynnt áform um upphreinsun á hluta lóðarinnar en þau hafa ekki gengið eftir frekar en í Hamragerði. „Númerslausir bílar á vegum fyrirtækisins dúkka mjög reglulega upp hér og þar, bæði á Akureyri og á Lækjarvöllum í Hörgársveit,“ segir Leifur.
Hann segir markmið dagsekta að þvinga fram úrbætur, í þessum tilfellum bætta umgengni. Álagning dagsekta hefur enn ekki skilað tilætluðum árangri en óinnheimtar dagsektir vegna Hamragerðis og Setbergs nálgast nú 6.000.000 án vaxta, dagsektir eru aðfararhæfar og er hluti upphæðarinnar kominn í lögheimtu.
Nýjast
-
Slæmt ástand og umgengni varað alltof lengi og verður að linna
Umgengni á og við Hamragerði 15 á Akureyri, umgengni við Setberg á Svalbarðsströnd og númerslausir bílar innanbæjar á Akureyri og víðar hefur margoft komið til kasta Heilbrigðiseftirlits Norðurlands, en þetta þrennt tengist allt einu og sama fyrirtækinu. Bílar í ýmsu ástandi eru fyrirferðarmiklir á báðum stöðum. -
Fór betur en áhorfðist
Fyrr í dag barst stjórnstöð Landhelgisgæslunnar neyðarboð frá litlum fiskibát sem þá var staddur afar nærri landi, norðarlega í mynni Ólafsfjarðar og hafði fengið í skrúfuna. -
Píluáhugi Húsavíkinga í miklum vexti
Aðsókn í nýja og glæsilega aðstöðu Píludeildar Völsungs hefur farið fram úr björtustu vonum -
Tímamót í knattspyrnu-samstarfi KA og N1
Knattspyrnufélag Akureyrar, KA og N1, sem í tæplega 40 ár hafa haft árangursríkt samstarf um mótshald hins vel þekkta N1 móts KA í drengjaflokki, hafa nú ákveðið að taka höndum saman um að koma á laggirnar knattspyrnumóti fyrir stúlkur á aldrinum 9 til 10 ára sem haldið verður með svipuðu sniði og drengjamótið. KA mun annast rekstur og skipulag mótsins, en N1 verða aðalbakhjarl þess. Stúlkurnar munu etja kappi á glæsilegu KA svæðinu helgina eftir Verslunarmannahelgina, eða 8-10 ágúst næst komandi. -
Hafnasamlag Norðurlands Góð staða og spennandi verkefni en hættur geta verið í sjónmáli
Staða Hafnasamlags Norðurlands er afar góð um þessar mundir og mörg spennandi uppbyggingar verkefni í gangi. Ýmsar hættur eru þó í sjónmáli sem geta breytt stöðunni til hins verra. Þar ber helst að nefna þá ákvörðun stjórnvalda að taka upp innviðagjalds á farþega skemmtiferðaskipa. Þær tóku gildi um nýliðin áramót. -
Ný brú á Skjálfandafljót hjá Fosshóli í burðarliðnum
Vegagerðin hefur kynnt byggingu nýrrar tvíbreiðrar brúar yfir Skjálfandafljót á Hringvegi í sveitarfélaginu Þingeyjarsveit. Brúin er hluti af grunnkerfi samgangna en núverandi brú er einbreið og uppfyllir ekki öryggiskröfur Vegagerðarinnar segir í kynningu á vefsíðu Vegagerðarinnar. -
Í upphaf árs; samfélag tækifæra
Hjálmar Bogi Hafliðason skrifar -
Þjóðaratkvæðagreiðsla um viðræður við Evrópusambandið – Af hverju og hvers vegna núna?
Undanfarið hefur umræða um þjóðaratkvæðagreiðslu um framhald viðræðna við Evrópusambandið (ESB) vakið athygli og verið áhugavert að lesa hinar ólíku hliðar og sjónarmið í þessari umræðu. Mikilvægt er þó að skýra að slík atkvæðagreiðsla snýst ekki um framhald eldri viðræðna heldur um upphaf nýrra viðræðna – og þar liggur verulegur munur. -
Hér er kona, um konu…
Konur eru núna í áhrifamestu embættum á Íslandi. Þetta er í fyrsta skipti sem það gerist, sem er að sumu leiti pínu sorglegt að hafi ekki gerst fyrr.
