Skortur á húsnæði fyrir skrifstofur og hermisetur
Háskólinn á Akureyri óskar eftir að reisa bráðabirgðahúsnæði - Hugmyndin að reisa tveggja hæð þjónustu- og skrifstofurými úr húseiningum
Húsnæði skortir við Háskólann á Akureyri og ekki stendur til að reisa á næstunni 6. og síðasta áfangann við skólann. Til að bregðast við húsnæðivanda hefur Háskólinn sótt um byggingaleyfi til að reisa bráðabirgðahúsnæði á lóð skólans. Skipulagsráð Akureyrarbæjar telur að tillaga frá skólanum sé í samræmi við gildandi deiliskipulag. Málinu var vísað til afgreiðslu hjá byggingafulltrúa.
Mikill vöxtur hefur einkennt starfsemi skólans um hríð. Nýtt reiknilíkan sem tekið var í notkun með tilkomu Háskóla, vísinda-, iðnaðar og nýsköpunarráðuneytisins, opnar færi á að fjölga starfsfólki við skólann en því hafði lítið sem ekkert fjölgað á vaxtaskeiði skólans. Framboð á skrifstofuhúsnæði er af skornum skammti „Í ljósi þess og þeirrar þarfar okkar að byggja upp hermisetur fyrir kennslu í heilbrigðisgreinum höfum við verið í samtali við Reiti um viðbyggingu við Borgir,“ segir í erindi frá Hólmari Erlu- Svanssyni framkvæmdastjóri Háskólans á Akureyri.
Mygla greindist á Borgum síðastliðið vor og er ástandið misslæmt eftir hæðum. Tilteknar hæðir hafa verið rýmdar og starfsfólk ýmist unnið heima eða til bráðabirgða annars staðar. Mikilvægt er að finna millibilslausn sem getur brúað bilið á milli viðbyggingar og viðgerða sem ráðast þarf í á Borgum.
Húseiningar fyrir kröfuharða notendur
Fram kemur í erindi Hólmars að húseiningar hafi verið skoðaðar og góð lausn hafi fundist; einingar sem smíðaðar eru sem þjónustu- og skrifstofurými fyrir kröfuharða notendur. Þær séu með stórum gluggum, niðurteknu kerfislofti, góðri hljóðvist og björtum rýmum. Háskólinn horfir til þess að setja upp tveggja hæða byggingu af þessu tagi
Einingarnar eru umhverfisvænn kostur, hægt er að taka þær í sundur á viku og setja upp annars staðar. Húseiningarnar er hægt að selja áfram þegar ekki er þörf á þeim lengur. Þá er bent á að gott væri að panta húsin á næstu vikum svo hægt verði að hefjast handa við jarðvegsvinnu á komandi hausti og setja húsin upp í kringum áramóti viðri til slíkrar vinnu.
Nýjast
-
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu. -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt.
