Skorar á stjórnvöld
Kostnaður við rekstur Sjúkrahússins á Akureyri hefur lækkað að raungildi um rúmar 800 milljónir króna frá árinu 2008 eða um 16%. Þetta kemur fram í ársskýrslu sjúkrahússins. Á þeim rúmu fjórum árum sem liðin eru frá efnahagshruninu hefur tekist að halda úti þjónustu við sjúklinga án verulegrar skerðingar, þrátt fyrir umtalsverðan niðurskurð á fjárveitingum. Í því ljósi er óhætt að segja að árangur sjúkrahússins í rekstri og þjónustu við sjúklinga á árinu sé mjög góður, sagði Bjarni Jónasson forstjóri sjúkrahússins í ávarpi sínum á ársfundinum.
Sjúklingum fjölgaði um 6%
Þrátt fyrir niðurskurð á fjárveitingum á milli ára og 3% fækkun setinna staða varð aukning í starfsemi Sjúkrahússins á Akureyri. Sjúklingum fjölgaði um rúm 6%, fæðingum um 20% og komur á slysa- og bráðamóttöku voru um 7% fleiri. Skurðaðgerðum og rannsóknum fjölgaði og dag- og göngudeildarstarfsemi jókst á milli ára, sagði Bjarni. Fjárveiting til Sjúkrahússins á Akureyri var lækkuð um 0,7% að raungildi frá árinu 2011 eða 31,5 milljónir króna. Auk þess lá fyrir að lækka þyrfti kostnað vegna halla á rekstrargrunni 2011 sem varð rúmar 100 milljónir. Almenn rekstrargjöld námu samtals 1,3 milljörðum króna sem var 40 milljónum umfram áætlun eða 3,2%.
Sjúkrahótel, líknardeild og ný legudeildarálma
Bjarni sagði að í framtíðarsýn Sjúkrahússins á Akureyri væri gert ráð fyrir að árið 2017 hafi sjúkrahótel, líknardeild og ný legudeildarálma verið tekin í notkun. Mikilvægt er að þau áform um þróun starfseminnar verði að veruleika.
Skorar á stjórnvöld
Ég skora á þau stjórnvöld sem nú eru að taka við stjórn landsins að þau standi við það sem sagt var í kosningum um að heilbrigðisþjónustuna verði að efla og þau sjái til þess að Sjúkrahúsið á Akureyri fái aukið fjármagn svo það geti haldið áfram að sinna því hlutverki sínu að vera miðstöð sérfræðiþjónustu utan höfuðborgarsvæðisins og varasjúkrahús landsins, sagði Bjarni ennfremur.
Nýjast
-
Vigdís og Súðavík
Nýtt ár 2025. Það eru 50 ár síðan kvennafrídagurinn var haldinn, 45 ár síðan Vigdís var kjörin forseti Íslands og 30 ár síðan snjóflóðin fóru fyrir vestan. Allt eru þetta atburðir sem lifa ferskir í minni þeirra sem upplifðu þá. Vendipunktar í lífi þjóðar. -
Alicja og Örn sundfólk Óðins 2024
Alicja Julia var stigahægt sundkvenna Óðins er hún hlaut 595 FINA stig fyrir 200 metra skriðsund í 25 metra laug á Íslandsmeistaramótinu sem fór fram í Hafnarfirði í nóvember. Tími Alicju Juliu var 2:11.14 -
Skuggabani er kominn á kreik
Skuggabani er nýjasta afurð hljómsveitarinnar Tonnataks sem hefur nokkuð jafnt og þétt komið út nýjum lögum á undanförnum árum og árið 2025 verður ekki skilið útundan -
Aukning í bókunum skemmtiferðaskipa til Norðurþings
-Varnarsigur segir forstöðumaður Húsavíkurstofu -
„Hér er allt morandi í hæfileikum“
Stórhuga ævintýramenn hjá Castor miðlun -
Ljóðastund með Arnari Jónssyni
Það jafnast ekkert á við fallegan flutning á góðu ljóði. Ljóðaunnendur ættu ekki að láta fram hjá sér fara ljóðastundir með leikaranum Arnari Jónssyni í stofu Davíðshúss laugardaginn 18. janúar kl. 17 og sunnudaginn 19. janúar kl. 14. -
„Villtustu handrit geta orðið að veruleika“
-Segir Ágúst Þór Brynjarsson um Eurovision-drauminn -
Leiðsögn um helgina í Listasafninu á Akureyri
Um helgina verður boðið upp á tvenns konar leiðsögn um fjórar sýningar Listasafnsins á Akureyri. Á laugardaginn kl. 15 verður leiðsögn um sýningar Fríðu Karlsdóttur, Ekkert eftir nema mýktin, og Jónasar Viðars, Jónas Viðar í safneign. Aðgangur er innifalinn í miðaverði. Á sunnudaginn kl. 11-12 mun Heiða Björk Vilhjálmsdóttir, verkefnastjóri fræðslu og miðlunar, stýra fjölskylduleiðsögn og segja börnum og fullorðnum frá sýningunni Átthagamálverkið: Á ferð um Norðausturland liðinnar aldar og sýningu Sólveigar Baldursdóttur, Augnablik – til baka. Að lokinni leiðsögn er gestum boðið að búa til sitt eigið listaverk, innblásið af verkum sýninganna. Aðgangur á fjölskylduleiðsögnina er ókeypis í boði Norðurorku sem styrkir sérstaklega safnkennslu og fræðslu fyrir börn og fullorðna í Listasafninu. -
Ný Sóknaráætlun Norðurlands eystra samþykkt
Ný Sóknaráætlun Norðurlands eystra var samþykkt nýverið. Hún hefur þegar tekið gildi og Ný gildir til loka árs 2029. Áætlunin er stefnumótandi og í henni hafa heimamenn sameinast um framtíðarsýn, markmið og verkefni.
