6. nóvember - 13. nóvember - Tbl 45
Skógræktarfélag samþykkir ekki áform um framkvæmdir í Vaðlareit
Horft úr Vaðlareit og yfir til Akureyrar. Stjórn Skógræktarfélags Eyjafjarðar samþykktir ekki þau áform sem fyrirhuguð eru í reitnum og snúast um byggingu hótels miðað við þau gögn sem lögð voru fram á fundi á dögunum. Félagið er reiðubúið til frekari viðræðna við landeigendur.
Stjórn Skógræktarfélags Eyjafjarðar getur ekki samþykkt hugmyndir um þau framkvæmdaáform sem fyrirhuguð eru í Vaðlareit út frá þeim göngum sem fylgdu erindi frá Landslagi ehf fyrir hönd landeigenda Ytri- og Syðri Varðgjár vegna hótelbyggingar í Vaðlaskógi sem fyrirhugaðar eru í námunda við Skógarböðin.
Stjórn SE fjallaði um erindi á fundi fyrr í þessu mánuði og kemur fram í ályktun sem bókuð var á fundinum að félagið fagni uppbyggingu á Eyjafjarðarsvæðinu og frumkvöðla- og framkvæmdaorku landeigenda Ytri- og Syðri-Varðgjár.
Félagið hefur haft umráðarétt yfir landi Vaðlaskógar allt frá árinu 1936 og ræktað þar skóg í 86 ár. Frá upphafi hefur markmiðið með ræktun skógarins verið að skapa yndisreit fyrir almenning til að njóta útivistar í skjóli trjánna segir í bókuninni og einnig að almennt sé félagið mótfallið hvers konar mannvirkjagerð í Vaðlaskógi. „Félagið áskilur sér þó rétt til að meta hvert mál fyrir sig en þá ávallt með lög félagsins og markmið að leiðarljósi en einnig þær skuldbindingar og réttindi sem umráðasamningur félagsins um Vaðlaskóg kveður á um,“ segir í bókun SE
Ósamið um afnotamissi og skógfellingu
„Félagið getur ekki samþykkt hugmyndir um framkvæmdaáform út frá þeim gögnum sem fylgdu erindinu enda alls kostar óljóst með hvaða hætti framkvæmdir verða útfærðar eða hvaða áhrif fyrirhuguð mannvirkjagerð kemur til með að hafa á afnot og ásýnd skógarins. Einnig er ósamið um þann afnotamissi og skógfellingu sem hlytust af yrðu framkvæmdir að veruleika.“
Félagið lýsir sig reiðubúið til áframhaldandi viðræðna við landeigendur um hugmyndir að framtíðarskipulagi Vaðlaskógar í landi Ytri- og Syðri-Varðgjár og vill benda á mikilvægi skógarins sem mótvægi við sífellt þéttari byggð allt í kring.
Nýjast
-
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns.
