Skipulagsstofnun gerir athugasemdir við háhýsabyggð á Oddeyrinni
Skipulagsstofnun gerir nokkrar athugasemdir við fyrirhugaða háhýsabyggð á Oddeyrinni á Akureyri. Á reitnum er gert ráð fyrir þéttri byggð á allt að 8 hæðum með allt að 150 íbúðum og verslunar- og þjónustustarfsemi á jarðhæðum húsa og eru fyrirhugaðar byggingar umdeildar meðal bæjarbúa. Í bréfi frá Skipulagsstofnun til bæjaryfirvalda segir um sé að ræða verulega breytingu frá áformuðu byggðamynstri og yfirbragði sem var ákveðið í nýlegum rammahluta aðalskipulags fyrir Oddeyri.
Reiturinn sem skipulagsbreytingin tekur til liggur nærri fastmótaði íbúðarbyggð og eldri húsum sem setja svip á Oddeyrina. Athugasemdir á vinnslutíma tillögunnar snúast að miklu leyti um áformaða hæð húsa en einnig koma fram athugasemdir um breytta landnotkun með hliðsjón af þörf fyrir innviði og þjónustu.
Á vinnslutíma aðalskipulagsbreytingarinnar hafa komið fram ábendingar og tillögur um skipulag götureitsins sem fela í sér lægri hús sem, að mati Skipulagsstofnunar, ætti að taka til frekari skoðunar sem raunhæfa valkosti um skipulag svæðisins í samráði við íbúa og aðra hagsmunaaðila. Að mati Skipulagsstofnunar ætti að setja skýrari skipulagsákvæði í aðalskipulagi, til leiðbeiningar og útfærslu í deiliskipulagi, í því skyni að draga úr neikvæðum áhrifum og stuðla að góðu aðgengi og sólríkum og skjólgóðum svæðum. Einnig ætti að setja kröfur um bíla- og hjólastæði á reitnum. Í skipulagstillögunni kemur fram að umhverfi og ásýnd Gránufélagshússins muni breytast verulega við uppbygginguna.
Í bréfi Skipulagsstofnunar segir að skoða þurfi hvernig hægt sé að koma til móts við athugasemd Minjastofnunar Íslands sem leggst alfarið gegn því að byggð verði 6-8 hæða hús aftan við hin friðlýstu Gránufélagshús. Skipulagsráð Akureyrarbæjar hefur falið sviðsstjóra skipulagssviðs að gera tillögu að breytingu á skipulagsgögnum til að koma til móts við athugasemdir Skipulagsstofnunar.
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
