Sjómenn samningslausir í þrjú ár
Trausti Jörundarson formaður Sjómannafélags Eyjafjarðar er með pistil á heimasíðu félagsins um stöðuna i kjaramálum sjómanna en þeir hafa verið samningslausir i þrjú ár.
Í pistli Trausta segir:
Nú eru liðinn 3 ár frá því að kjarasamningar sjómanna runnu út og ekkert sem bendir til að það náist saman í þeirri deilu.
Aðalkrafa sjómanna er að fá inn svokallaða tilgreinda séreign sem aðrir á vinnumarkaði hafa fengið og margir farnir að nýta sér. Lækkun á tryggingargjaldi til fyrirtækja átti að koma til móts við þessa kröfu og hefur verið gert frá 2016 en útgerðafyrirtæki hafa ekki séð sóma sinn í því að greiða sjómönnum þessa tilgreindu séreign en hafa þegið þessa lækkun á tryggingargjaldinu sem er nú komið í rétt um milljarð í sparnað fyrir þessi fyrirtæki. Það er hreint með ólíkindum að ekki sé hægt að mætast með þetta og reyna að ná endum saman svo sjómenn geti unnið sína vinnu með gildandi kjarasamning.
Á síðustu 12 árum hafa sjómenn verið með gildan kjarasamning í 2,5 ár, þetta er einsdæmi í hinum vestræna heimi. Hvernig eiga sjómenn að horfa til vinnuveitenda sinna þegar virðingin fyrir þessum störfum er á svona lágu plani? Það er vandlifað að vera útgerðarmaður og umtal um þessa atvinnugrein er á þann hátt að ég mundi halda það að gera kjarasamning við sína launþega gerði þeim ekkert nema gott.
Við erum á þeim stað núna að það er nánast útilokað að aðilar nái saman þar sem krafa útgerðarinnar er einföld, lækkun á launum sjómanna sem nemur tilgreindri séreign og gott betur. Hvernig á það að ganga upp fyrir okkur sem stöndum í þessu að kynna fyrir okkar félagsmönnum tímamótasamning eins og SFS talar um og sjómenn horfa á lækkun í launum, reyndar mismikið eftir veiðigreinum en allir fengju kjaraskerðingu út úr þessu. Það kemur ekki til greina að samþykkja svona lagað og það hefur heldur betur sýnt sig að útgerðarfyrirtækin eru vel í stakk búin til að mæta þessum kostnaði án tekjuskerðingar fyrir sjómenn.
Þess má einnig geta að þegar kemur að samningamálum sjómanna erum við ekki bara að deila við Samtök fyrirtækja í sjávarútvegi SFS, heldur þarf ævinlega að blanda ríkinu á einhvern hátt inni í kjaraviðræður, t.d. með skattaafslætti til útgerðar svo hægt sé að mæta okkar hófstilltu kröfum.
Trausti Jörundarson formaður Sjómannafélags Eyjafjarðar.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
