13.nóvember - 20.nóvember - Tbl 46
Sjö milljarðar í uppbyggingu íþróttamannvirkja á Akureyri
Ráðast á í heilmikla uppbyggingu á KA-svæðinu.
Bæjarstjórn Akureyrar hefur samþykkt að forgangsröðun þverpólitísks hóps um uppbyggingu íþróttamannvirkja á Akureyri verði höfð til hliðsjónar við undirbúning langtíma fjárfestingaáætlunar bæjarins. Í skýrslu starfshópsins um nýframkvæmdir íþróttamannvirkja er að finna tillögur að forgangsröðun uppbyggingar næstu 15 árin.
Forgangslistinn telur 11 verkefni og er heildarkostnaður við þau gróflega metinn á 6.750 milljónir króna. Í vinnu sinni horfði starfshópurinn til atriða sem skipta máli fyrir bæjarfélagið í heild. Einkum var litið til fjölbreytni og gæða núverandi mannvirkja, nýtingu þeirra, fjölda iðkenda, skólastarfs, ferðaþjónustu og almennings. Segir í bókun bæjarstjórnar að verkefnin hafi verið metin út frá fjárhagslegum og félagslegum forsendum og endurspegla niðurstöður hópsins þá þörf sem er til staðar í bænum.
„Um tímamótaáætlun er að ræða þar sem horft er til framtíðar í uppbyggingu íþróttamannvirkja á Akureyri og þeim forgangsraðað. Nú þegar er búið að samþykkja fyrsta verkefnið samkvæmt áætluninni og undirbúningur hafinn á næstu tveimur,“ segir í bókun bæjarstjórnar.
Fyrsta verkefnið sem vísað er til er uppbygging á félagssvæði Nökkva við Höpnersbryggju. Félags- og æfingaaðstaða í Skautahöll Akureyrar er næst á listanum og þar á eftir er gervigrasvöllur og stúka á félagssvæði KA.
Verkefnin 11:
1. Uppbygging á félagssvæði Nökkva við Höpnersbryggju. Byggja félagsaðstöðu og bátageymslu. Kostnaður um 150 m.kr
2. Félags- og æfingaaðstaða í Skautahöll Akureyrar. Reisa félags- og æfingaaðstöðu í norðurenda Skautahallar. Núverandi aðstaða er ekki til fyrirmyndar hvorki fyrir iðkendur né almenning. Kostnaður um 150 m.kr.
3. KA gervigras og stúka. Útbúa æfinga- og keppnisaðstöðu á gervigrasi á félagssvæði KA ásamt stúkubyggingu. Leggur hópurinn til að útbúinn verði löglegur keppnisvöllur á svæði KA samkvæmt leyfiskerfi KSÍ. Kostnaður um 1.000 m.kr
4. KA félagsaðstaða. Útbúa félagsaðstöðu fyrir daglega starfsemi félagsins, æfingaaðstaða fyrir deildir innan félagsins, búningsklefar fyrir starfsemina. Kostnaður um 500 m.kr
5. Hlíðarfjall þjónustuhús. Reisa þjónustuhús fyrir starfsemi Skíðastaða í Hlíðarfjalli sem mun m.a. innihalda veitingaaðstöðu og salerni, miðasölu fyrir gesti, aðstöðu fyrir skíðaskóla, aðstöðu fyrir 4 skíðaleigu, aðstöðu fyrir Skíðafélag Akureyrar, aðstöðu fyrir starfsfólk. Kostnaður um 450 m.kr
6. Golf- vetraraðstaða. Reisa innanhússæfingaaðstöðu við golfskálann að Jaðri. Kostnaður um 100 m.kr
7. Innisundlaug. Byggja 50 metra innanhússundlaug fyrir kennslu, æfingar og keppni. Kostnaður um 1.500 m.kr
8. Þór - vestan við Bogann. Byggja félags-, æfinga- og geymsluaðstöðu við vesturhlið Bogans. Aðstaða fyrir deildir félagsins til æfinga, félags- og skrifstofuaðstaða deilda, salerni og geymsla fyrir starfsemi í Boganum. Kostnaður um 600 m.kr
9. Þór íþróttahús. Byggja íþróttahús á félagssvæði Þórs fyrir innanhússíþróttagreinar. Kostnaður um 1.000 m.kr
10. Þór - gervigras á æfingasvæði. Útbúa utanhúss gervigrasæfingasvæði á félagssvæði Þórs. Kostnaður um 300 m.kr
11. KA íþróttahús. Byggja íþróttahús á félagssvæði KA fyrir innanhúsgreinar. Kostnaður um 1.000 m.kr.
Nýjast
-
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk.
