Segir neyðarástand ríkja við Oddeyrargötu
Íbúar við Oddeyrargötu á Akureyri hafa áhyggjur af umferðaröryggi við götuna og sendu inn bréf til bæjaryfirvalda fyrir mánuði síðan þar sem skorað var á bæinn að gera úrbætur hið snarasta.
Enn hafa engar úrbætur verið gerðar og bréfinu hefur heldur ekki verið svarað. Aðalsteinn Svan Hjelm, íbúi við götuna vakti máls á þessu á fjasbókinni fyrir skemmstu. Í samtali við Vikublaðið segir hann að búið sé að berjast fyrir úrbótum í áratugi vegna síversnandi umferðar en án árangurs. Sjálfur hefur hann búið við götuna í þrjú ár.
Eins og fréttin á skjáskotinu hér fyrir ofan sýnir þá hafa íbúar við Oddeyrargötu barist fyrir auknu umferðaröryggi í hverfinu í áratugi. Fréttin er úr Degi árið 1982.
Aðalsteinn bendir á að samkvæmt síðustu mælingum í götunni, þar sem hámarkshraðinn er 30 km/klst, er meðalhraðinn að mælast upp undir 40 km/klst og þeir sem hraðast aka eru á um það bil 80 km/klst. „Um 70% ökumanna aka hér um hverfið okkar yfir hámarkshraða! Hér hefur verið keyrt á fólk, utan í bíla, inn í garða, á rafmagnskassa hjá okkur (og stungið af með rafmagnið liggjandi utan í kassanum). Bærinn veit af þessu en hreinlega vill ekkert gera í málunum einhverra hluta vegna,“ skrifar Aðalsteinn til Vikublaðsins.
Oddeyrargatan er hvorki skilgreind sem stofnbraut né tengibraut heldur er fyrst og fremst íbúagata.
Engin viðbrögð
„Við sendum […] áskorun á stjórn Akureyrarbæjar fyrir mánuði síðan þar sem við lýsum yfir neyðarástandi í götunni og köllum eftir tafarlausum aðgerðum til skamms tíma sem snýr að þrengingum og hraðahindrunum en líka að leitað sé ráðgjafar t.d. til verkfræðistofu sem við vitum að margar hverjar hafi tekist á við álíka vandamál og að lögð verði fram framtíðarsýn sem við getum öll sætt okkur við,“ segir Aðalsteinn og bætir við að Akureyrarbær sé að stækka mikið en um leið sé ekki gert ráð fyrir að gamla gatnakerfið geti tekið við aukinni umferð í takt við fólksfjölgun og fjölgun ferðamanna.
„Viðbrögðin frá stjórn Akureyrarbæjar hafa verið nánast engin og heyrist mér innan úr Ráðhúsinu að ekki verði brugðist við þessari áskorun með nokkrum hætti, ekki frekari en fyrri daginn - nú eða áratuginn,“ segir Aðalsteinn og spyr hvort fulltrúar bæjarins myndu sætta sig sjálfir við þennan hraða og umferðarþunga í eigin íbúagötum.
„Bænum ber skylda til að bregðast við, til þess kjósum við hér á fjögurra ára fresti og borgum útsvar - vitandi það að bæjarfulltrúar sitja í bæjarstjórn í okkar umboði með heill íbúa sinna að leiðarljósi. Það er þeirra lögboðna skylda,“ segir Aðalsteinn en vill þó taka fram að íbúum þyki afar vænt um götuna sína og vilja búa þar til framtíðar. „Þegar úrbætur hafa verði gerðar í takt við nútímakröfur um almennt öryggi íbúa og gangandi og hjólandi vegfaranda hér verður hverfið enn eftirsóknarverðara fyrir fjölskyldur jafnt sem aðra sem vilja búa þar sem stutt er í alla þjónustu,“ segir Aðalsteinn og bætir við að hann óttist að einhver muni slasast eða láta lífið í götunni áður en langt um líður ef ekki verður gripið í taumana strax.
Segir lögregluna áhyggjufulla
Þá bendir Aðalsteinn á að lögreglan á Akureyri hafi sýnt áhyggjum íbúanna mikinn skilning. „Lögreglan hefur verið ekkert nema almennilegheitin og hefur verið dugleg að mæla hér í götunni eftir ábendingar frá okkur. Meðan á mælingum stendur hægist umtalsvert á umferðinni, skiljanlega, en svo fer hún í botn aftur þegar lögreglan er á brott aftur. Ég hef talað persónulega við lögregluna hér oft og þau eru þar 100% sammála okkur að ástandið sé óásættanlegt en það standi í raun á bænum að bæta götuna, eina sem lögreglan getur gert er að sinna sínum skildum hér.“
Nýjast
-
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli.
