Segir bæjarstjórn gefa lítið fyrir vilja bæjarbúa
Ragnar Sverrisson, kaupmaður á Akureyri og upphafsmaður að verkinu Akureyri í öndvegi, sem stóð fyrir íbúaþinginu 2004 og alþjóðlegri arkitektasamkeppni í kjölfarið, er gagnrýninn á nýjar tillögur um uppbyggingu á miðbæ Akureyrar sem bæjaryfirvöld kynntu í gær. Segir Ragnar í færslu á Facebook að bæjarstjórn sé ekki upptekin af vilja bæjarbúa.
„Þegar ég tek afstöðu til þeirra nýju tillagna um skipulag miðbæjarins, sem kynntar voru í gær, hugsa ég fyrst um hvernig þær falla að niðurstöðum stærsta íbúaþings á Íslandi sem eftir ítarlegar umræður komst að niðurstöðu um hvað fólkið í bænum vildi leggja ríkasta áherslu á við frekari uppbyggingu miðbæjarins. Þessar niðurstöður voru síðan notaðar sem viðmið í alþjóðlegri arkitektasamkeppni og áfram þegar gengið var frá núverandi skipulagi á þessu svæði árið 2014.
Miðað við þær tillögur sem nú hafa verið lagðar fram er ljóst að bæjarstjórn er ekki mjög upptekin af þessum vilja bæjarbúa. Ekki get ég rakið það í þessu fáu línum en bendi á að minni áhersla er nú lögð á greiða leið frá gamla miðbænum og niður að Pollinum. Skipagata gerð að breiðri umferðargötu þvert á óskir um að götur liggi meira austur vestur á þessu svæði. Byggingarnar hækkaðar frá gildandi skipulagi til að bæta upp tapað byggingarsvæði vegna þess að einhverjir vilja ekki færa götuna um nokkra metra.
Fallið frá því að gera Glerárgötuna einsreina frá Kaupvangsstræti og norður að Strandgötu en þess í stað allt sett í einn umferðarhnút við helsta gangstíginn yfir götuna. Þetta þýðir auðvitað að gangandi fólk á þessum stað hefur mengandi bíla báðum megin ofan í sér með tilheyrandi hávaða í stað þess að þeir hægi á sér utar og sunnar og komi svo að gangbrautinni einn og einn. Þessi breyting er því augljóslega ekki gerð fyrir gangandi vegfarendur í vistvænum bæ.
Ragnar Sverrisson
Eins og staðan er nú í bæjarstjórn sýnist mér ekkert hægt að gera í þessum efnum nema um það ríki algjör samstaða. Þá verður til moð sem nær fæstum þeim markmiðum sem stefnt var að; aðalatriðið að hafa alla góða í bæjarstjórninni undir hinni dúnmjúku sameiningarsæng þar sem allir mala nú ánægðir. Ekkert hægt að framkvæma nema allir séu sammála og alls ekki í nokkrum einasta ágreiningi. Þess vegna er búið að jarða endanlega þá litlu viðleitni í gildandi skipulagi að gera umhverfið líflegt með því að láta vatn renna frá Skátagili niður í gegnum göturnar til sjávar. Ekkert slíkt lengur - bara steypa og stál og niðurstöðum íbúaþingsins sæla gefið langt nef.
Að þessu sögðu verð ég þó að lýsa ánægju minni að nú er loks komin fram álitleg tillaga um bílastæði í miðbænum sem hefur verið einn þeirra lausu enda sem þurfti að binda niður. Eins og ég hef sagt oft áður: öll bílastæði í miðbæ eiga að vera undir yfirborði jarðar; þar fyrir ofan á fjörugt mannlíf og öflug viðskipti að blómstra í vistvænu umhverfi,“ skrifar Ragnar.
Nýjast
-
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14.
