13.nóvember - 20.nóvember - Tbl 46
Sáu kirkjuna fuðra upp og ekki varð neitt við ráðið
Slökkvistarf við Miðgarðakirkju gekk erfiðlega í miklu hvassviðri. Kirkjan fuðraði upp á undraskömmum tíma.Myndir Henning Jóhannesson
„Við erum auðvitað bara núna í dag að átta okkur á þessum harmleik, en mér heyrist á fólki hér að ekki komi annað til greina en að byggja upp á ný,“ segir Henning Jóhannesson útgerðarmaður í Grímsey um eldsvoðann þar í gærkvöld sem varð Miðgarðakirkju að bráð. Ekkert stendur eftir af kirkjunni. Hún var byggð úr rekaviði árið 1867.
Tilkynnt var um eldinni seint í gærkvöld og varð kirkjan fljótt alelda. Henning segir að veður hafi verið mjög slæmt, stíf norðanátt hvassviðri upp á um 18 til 20 metra á sekúndu. „Það var mjög erfitt að athafna sig við slökkvistörfin og ekki við neitt ráðið í þessum veðraham,“ segir hann. „Þetta tók allt saman skamman tíma, líklega eitthvað innan við klukkutíma frá því eldsins varð vart og allt var orðið að rústum einum.“ Slökkvistarf snérist einnig um að verja Miðgarða sem stendur skammt frá kirkjunni. „Það var nánast ekki stætt þarna fyrir vindi og menn sáu kirkjuna fuðra upp fyrir augum sínum. Það var virkilega erfitt.“
Við blasir sviðin jörð
Henning segir að dapurlegt sé um að litast umhverfis kirkjuna nú, sviðin jörð blasi við. „Þetta er mjög erfitt fyrir okkur hér að horfa upp á þetta. Þessi staður var okkur kær, var okkar griðastaður þar sem við komum saman í gleði og sorg. Ættingjar og vinir eiga í hinstu hvílu í kirkjugarðinum. „Ég veit auðvitað ekki hvað verður, en mér finnst líklegt að menn standi hér saman og reisi nýja kirkju,“ segir Hennig. Sjónarsviptir sé af þeirri gömlu og mikið af dýrmætum munum hafi orðið eldinum að bráð.
Þyngra en tárum taki
Ásthildur Sturludóttir bæjarstjóri á Akureyri og þar með Grímseyjar segir að eldsvoðinn sé mikið reiðarslag, tilfinningalegt tjón fyrir Gímseyinga og alla þá sem unni eyjunni við heimsskautsbaug. Byggð hafi staðið höllum fæti og áfall á borð við þetta því þyngra en tárum taki er haft eftir bæjarstjóra á vefsíðu Akureyrarbæjar.
Ekki er á þessari stundu vitað um orsakir brunans en rannsókn hefst í dag. Tæknimenn frá rannsóknardeild lögreglunnar á höfuðborgarsvæðinu héldu út í eyju eftir hádegi einn frá rannsóknardeild lögreglunnar á Akureyri sem og einnig fulltrúar frá Mannvirkjastofnun og Slökkviliðinu á Akureyri.
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
