Sáttatillaga upp á 25 milljónir vegna tafa við gatnagerð í Móahverfi
„Við teljum þessa tillögu ekki tímabæra þar sem enn er ekki komið í ljós hvort að tafir verði á afhendingu lóða í Móahverfi. Okkur þykir ekki forsvaranlegt að fara í kostnaðarsama úttekt þegar ekki liggur fyrir hvort að tafir verði. Verði hins vegar eitthvað til þess að ekki náist að afhenda lóðir á tilsettum tíma er sjálfsagt að skoða það hvort að ástæða sé til óháðrar úttektar,“ segir í bókun frá bæjarfulltrúum meirihlutaflokkanna í bæjarstjórn Akureyri, L-lista, D-lista og M-lista. Bókunin var gerð í tengslum við umræður um stöðu framkvæmda í Móahverfi.
Tilefnið er tillaga sem fulltrúar Framsóknarflokks í bæjarstjórn lögðu fram á fundi bæjarstjórnar í vikunni þess efnis að bæjarstjóra verði falið að vinna að undirbúningi á óháðri úttekt á allri framkvæmd við Móahverfi og leggja fyrir bæjarráð lýsingu á verkbeiðni og kostnaðarmat fyrir lok maí þar sem stefnt yrði að gerð úttektar á haustmánuðum 2024. Tillagan var felld með sex atkvæðum gegn fjórum, einn sat hjá.
Sáttaboð til að útkjá ágreining
Bæjarráð hafði fyrr í þessum mánuði samþykkt sáttatillögu Akureyrarbæjar og Norðurorku við G. Hjálmarsson hf. vegna útboðsverks í Móahverfi 1. Áfangi, gatnagerð og lagnir. Sáttatillagan felst í því að verkkaupar bjóða G. Hjálmarssyni 25 milljónir króna sem sáttagreiðslu og verði hún borguð út í mars 2024. Miðað sáttatillagan að því útkljá ágreining sem upp kom vegna verkefnisins.
Þurfti að stöðva framkvæmdir vegna tafa
Verktaki, G. Hjálmarsson taldi að tafir á hönnunargögnum og breytingar á hönnun hafi haft veruleg áhrif á möguleika á framvindu verksins. Taldi hann það óeðlileg frávik á verkinu og setti fram bótakröfu vegna ætlaðs tjóns sem hann hafi orðið fyrir. Jafnframt taldi verkkaupi að efnisvöntun hafi staðið í vegi fyrir því að unnt væri að halda verkinu á áætlun. Hið ætlaða tjón fólst í því að verktaki þurfi að stöðva framkvæmdir og gat ekki nýtt mannskap og tæki sem tiltæk voru vegna framkvæmdarinnar.
Með undirritun sáttaboðs samþykkir verkkaupinn að hann hafi fengið fullnaðargreiðslu vegna ætlaðs tjóns við verefnið í Móahverfi.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
