Samþykkja framtíðarsýn fyrir skíðasvæði Húsvíkinga
Fjölskylduráð Norðurþings fjallaði fyrir nokkru um hönnunarskýrslu SE Group á skíðasvæðinu við Húsavík.
Samráðshópur áhugafólks um uppbyggingu á skíðasvæði Húsvíkinga á Reyðarárhnjúk hefur unnið að verkefninu frá upphafi og fjallað um þá hönnun er fyrir liggur.
Á vinnufundi í maí bókaði vinnuhópurinn ályktun þar sem almenn ánægja kom fram með niðurstöður skýrslunnar. Frá fyrstu hönnunardrögum hefur svæðið verið einfaldað. Möguleikar á heilsársnýtingu svæðis eru kannaðir, þar sem nú lægi fyrir hönnunargögn sem hægt sé að vinna út frá í uppbyggingu svæðisins í framtíðinni.
Fjögur atriði úr skýslunni
Í skýrslunni er bent er á fjögur atriði í lyftumálum: Lenging á núverandi lyftu, ný 1300m stólalyfta, ný toglyfta fyrir ofan núverandi lyftu, töfrateppi, bílastæði og þjónustusvæði er nálægt fyrirhuguðu göngusvæði
Nánari staðsetning á endastöðum lyftna yrði ákveðin út frá hæðarmælingum og snjómælingu. Hönnunarskjalið og lyftuteikningar gefa grófa vísbendingu um bestu kosti svæðisins.
Sveitarstjórn forgangsraðar
Nú hefur sveitarstjórn Norðurþings fjallað um málið en á fundi hennar var eftirfarandi tillaga samþykkt samhljóða:
„Undirrituð leggja til að skipulags- og framkvæmdaráð taki skýrslu um hönnun útivistarsvæðisins við Reyðarárhnjúk til umfjöllunar samhliða umfjöllun um framkvæmda- og fjárhagsáætlun m.t.t. áframhaldandi uppbyggingar á svæðinu. Jafnframt verði niðurstaða fundar með samráðshópi um uppbyggingu svæðisins nýtt til að forgangsraða framkvæmdum á svæðinu á komandi árum svo sem að bæta aðgengi og aðstöðu fyrir fólk og tæki. Enn fremur að áfram verði unnið með samráðshópnum að eflingu svæðisins.“ segir í tillögunni.
Helena Eydís Ingólsfsdóttir, D-lista sagði að koma þurfi þessu máli áfram núna þegar hönnun liggi fyrir þannig að það komist í farveg.
„Við höldum þessum boltum á lofti á komandi árum og áratugum. Það er ljóst að ef við ætlum að fylgja þessari hönnun eftir að það er eitthvað sem kostar sveitarfélagið tugi ef ekki hundruði milljóna í framkvæmd. Það er ekki biti sem er gleyptur í einu lagi heldur er þetta eitthvað sem við þurfum að taka í smáum skrefum sem langtíma plan,“ sagði Helena.
Soffía Gísladóttir B-lista tók undir með Helenu og sagði vinnu samráðshópsins virkilega metnaðarfulla. „Virkilega metnaðarfullur hópur og ánægjulegt þegar grasrótin tekur svona mál í sínar hendur og vinnur þær jafn vandlega og hér hefur verið gert,“ sagði hún.
Hafrún Olgeirsdóttir hvatti framkvæmda og skipulagsráð til að setja framarlega á forgangslista byggingu á geymsluhúsnæði undir vélar og tæki. „Ég tel nauðsynlegt að verði farið verði í það sem fyrst.“
Nýjast
-
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun.
