Samningur undirritaður við FabLab-Húsavík
Í gær undirrituðu Katrín Sigurjónsdóttir, sveitarstjóri, og Stefán Pétur Sólveigarson, verkefnastjóri FabLab-Húsavík samning Norðurþings við FabLab-Húsavík. Byggðaráð samþykkti samninginn þann 12. maí sl. en honum er ætlað að tryggja grunnfjárupphæð til rekstrar FabLab smiðjunnar á Húsavík til næstu þriggja ára með árlegu framlagi Norðurþings sem kemur á móti fjármögnun ríkisins og eflir möguleika á öflun sjálfsaflafjár. Norðurþing greiðir 5.000.000,- kr árlegt rekstrarframlag til FabLab-Húsavík árin 2022, 2023 og 2024.
Með samningnum er ætlun að stuðla sérstaklega að þátttöku starfsfólks í skólum Norðurþings í nýsköpun í kennslu og kennsluháttum nemenda, stuðla að auknu tæknilæsi nemenda og annara íbúa samfélagsins. Aðilar þessa samnings setja sér það markmið að efla samstarf sitt og þannig styrkja stoðir nýsköpunar í sveitarfélaginu til framtíðar.
Fab lab er smiðja með tækjabúnaði til ýmiskonar framleiðslu, sem gefur einstaklingum, stofnunum og fyrirtækjum tækifæri til að þjálfa sköpunargáfu og hrinda hugmyndum í framkvæmd með því að móta, hanna og framleiða hluti með aðstoð stafrænnar tækni (sjá nánar á fablab.is). Almenn tilhögunar FabLab-smiðja á Íslandi er með þeim hætti að ríkisvaldið veitir rekstrarframlag frá annars vegar háskóla-, iðnaðar- og nýsköpunarráðuneyti og hins vegar mennta- og barnamálaráðuneyti og sveitarfélag á svæði FabLab smiðjunnar kemur að rekstri með fjárframlag á móti.
FabLab-Húsavík er hluti af nýsköpunar- og þekkingarklasanum sem er til húsa á Stéttinni við Hafnarstéttina á Húsavík.
Vígsla Stéttarinnar
Föstudaginn 9. desember mun Forseti Íslands, Guðni Th. Jóhannesson, opna með formlegum hætti nýja aðstöðu þekkingarklasans á Hafnarstétt á Húsavík undir heitinu STÉTTIN. Langanes ehf, félag Bjarna Aðalgeirssonar og fjölskyldu, á þær fasteignir sem um ræðir og hefur staðið straum af vönduðum endurbótum og viðbyggingu. Húseigendur munu við vígsluna afhenda síðasta hluta hins endurbætta húsnæðis þessu samfélagi stofnana á sviði rannsókna, menntunar og nýsköpunar.
Forseti Íslands mun ávarpa kl. 16:15 í miðrými hússins og fulltrúar húseigenda og/eða íbúa hússins kynna aðstöðuna stuttlega. Þá verður opið hús fyrir íbúa og áhugasama í kjölfarið og starfsfólk mun sitja fyrir svörum og sýna gestum aðstöðuna og starfsemina sem fram fer.
Frá þessi er sagt að heimasíðu Norðurþings.
Nýjast
-
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði.
