Samningur um þjónustutengda fjármögnun Sjúkrahússins á Akureyri
„Við erum mjög ánægð með þennan áfanga sem við höfum náð með mjög stuttum undirbúningstíma. Ljóst er að slíkur samningur hjálpar til við fyrirsjáanleika og skipulag þjónustu, stuðlar að hagkvæmni og er hvatning til að ná árangri,“ segir Hildigunnur Svavarsdóttir forstjóri Sjúkrahússins á Akureyri um samning sem undirritaður hefur verið og um að klíkísk starfsemi sjúkrahússins verði frá áramótum, 1. janúar næstkomandi fjármögnuð í samræmi við umfang veittrar þjónustu þar sem byggt er á DRG; alþjóðlegu flokkunarkerfi sjúkdóma. Hildigunnur og María Heimisdóttir undirrituðu samninginn og er frá honum sagt á vef stjórnarráðsins.
Þar segir Willum Þór Þórsson heilbrigðisráðherra sem staðfesti samninginn að lokinni undirritun að hann væri sannfærður um að samningurinn styrki sjúkrahúsið og bæti alla ákvarðanatöku um úthlutun fjármuna og nýtingu þeirra, hvort sem við horfum til fjárveitingarvaldsins eða stofnananna sjálfra.
María Heimisdóttir forstjóri Sjúkratrygginga Íslands segir: „Þessi samningur er sá fyrsti sem Sjúkratryggingar gera við heilbrigðisstofnun utan Reykjavíkur um þjónustutengda fjármögnun. Við sjáum sérstök tækifæri í því að nýta þau gögn sem gæðavottun SAk. felur í sér til að skoða tengsl þjónustutengdrar fjármögnunar við gæði og árangur.“
Í heilbrigðisstefnu til ársins 2030 er sett markmið um að fjármögnun allrar sjúkrahússþjónustu verði þjónustutengd, enda séu greiðslukerfin þýðingarmikil tæki til að stýra þeim fjármunum sem varið er til heilbrigðisþjónustu í samræmi við þjónustuþörf. Þjónustutengd fjármögnun snýst um þetta með áherslu á markviss kaup á heilbrigðisþjónustu byggð á ítarlegri kostnaðar- og þarfagreiningu.
Markmið og ávinningur
- Fjárveitingar taka mið af raunverulegu umfangi þjónustu og raunkostnaði.
- Aukið gegnsæi við úthlutun fjármagns.
- Auðveldara að gera áætlanir og setja markmið um magn þjónustu í samræmi við þörf þeirra sem á henni þurfa að halda.
- Stuðlar að aukinni skilvirkni ásamt betra eftirlit með gæðum, umfangi og hagkvæmni þjónustunnar.
Þjónustutengd fjármögnun sjúkrahússþjónustu er vel þekkt víða um heim og þessi aðferð hefur verið innleidd í flestum Evrópuríkjum. Þá hafa Norðurlandaþjóðirnar um árabil unnið saman að innleiðingu á sameiginlegu DRG flokkunarkerfi, svonefndu NordDRG, sem byggt er á við kostnaðargreiningu á Landspítala og við Sjúkrahúsið á Akureyri.
Nýjast
-
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins.
